同您分享

一篇好感人 Blog 文章

昨晚「原林部落」 一篇好感人 Blog 文章
我聽到都有落淚感覺大家不妨細心睇下或上香港電台網站節目重溫
「原林部落」 2006-01-26 收聽 ( 39 50秒開始 )
 
我的丈夫係讀理科嘅,當初鍾意佢係因為佢嘅穩重,倚靠係佢嘅肩榑上面又溫暖而又搭實嘅感覺,但係經過三年戀愛同埋二年婚姻,我已經感到有啲厭倦啦,當初鍾意嘅感覺就變成而家厭倦嘅根源……
 
我係一個感性嘅小女人,敏感勢利,渴望浪漫,就好以細路仔時候渴望美麗糖果一樣,而佢天生不善於製造浪漫,木訥嘅程度什至令我感覺唔到愛嘅氣息。
 
某一日我終於鼓起勇氣同佢講:「我地分開啦….」,佢問我點解呀?我就話累啦,唔需要理由呀!嗰一晚佢只係一路係度食煙,冇講過一句說話,我的心就越來越淡,連挽留都唔會表達嘅男人,又點可以俾我快樂呢!
 
終於佢問我點樣做先可以令妳改變主意呀!好多人話本性難移,我稔我已經唔再對佢抱有任何希望喇!睇住佢雙眼我慢慢咁講,答我一個問題呀!如果你能夠答到我心目中答案咁就得架喇!假如我非常鍾意懸崖上面的一朵花,但係如果你去擇,結果就一定係會死,你會唔會擇俾我呀!佢答我明天朝早先講個答案俾我知,連咁嘅問題都要考慮咁耐,我的心就變得更加灰喇!
 
第二朝早起身嘅時候,佢已經唔係到喇!只係有一張寫滿左字嘅紙張,壓係一杯熱牛奶嘅杯下面,當我睇了張紙的第一行文字,已經令我個心涼左一節喇。
 
親愛的:我唔會去擇架!但係請容許我去講我唔會去擇嘅理由呀!
 
妳只係會去用電腦打字,但係總係將啲程式攪到一塔胡塗,然後就對住個鍵盤係度喊,我要留番啲手指來幫妳整理程式。妳出門嘅時候總係唔記得帶鎖匙,我要留番雙腳跑番來幫妳開門。鍾意旅行嘅妳係自己城市都會成日迷路,我要留番對眼睛幫妳帶路。每個月親戚來臨既時候,妳總係全身冰凍重會肚痛添,我要留番對掌心溫暖妳嘅肚。平日妳唔鍾意出門我就擔心妳會患上自閉症,我要留番個嘴講走妳的寂寞。妳總係成日睇住個電腦眼睛成都會好累,我要好好咁生活落去等妳老左嘅時候,幫妳剪指甲,幫妳抆咗令妳煩惱既白頭髮。拖住妳的手係海邊享受美好嘅陽光,同埋柔軟嘅沙灘,講俾妳知花嘅顏色,好似妳年輕的面孔一樣咁吸引。所以係我未確定有人更加愛妳之前,我唔想去擇果朵花。
 
睇到呢度我嘅眼淚滴係張紙上面,化開成精瑩花朵,抺光眼淚之後我繼續睇落去。
 
親愛的:如果妳已經睇完又覺得個答案滿意嘅話,請妳開門喇!我而家就企係門外面,攞住妳最鍾意食嘅鮮奶麵包。拉開度門之後我見到佢塊面緊張到好似一個細路仔一樣,只係會將攞住麵包嘅手係我眼前搖來搖去。係呢一刻我確定真係冇人俾佢更加愛我,所以我唔再想要果朵花,呢啲就係生活俾幸福平靜包圍嘅時候,一啲平凡愛意總係俾渴望激情浪漫嘅心所忽略。
 
愛可以係任何一種平淡無奇嘅型式,花呀!浪漫等等事物不過係浮係生活表面淡淡點綴,係佢地下面先至係我地真的生活。
 
藍秋 | 27th Jan 2006 | 同您分享 | (1994 Reads)
平均分: 9.83 | 評分人數: 6

 

留言 / 回應記載


[1]
作者 輕雲 | 27th Jan 2006
多謝分享.

[2]
作者 靚女Honey | 28th Jan 2006
哈哈,我地一齊咁有品味,都寫關於呢個故事. 你寫得好原裝正版,我好懶寫,但又想同人分享,不如我quote你個posting啦,謝謝!!!

[3]
作者 藍秋 | 28th Jan 2006
其實呢段文章真係聽到我好感動架,所以咪聽左好多次,覺得真係應該要俾大家分享下,所以咪寫埋文字版囉….願天下有情人,白頭偕老

[4]
作者 mocha0141 | 13th Feb 2006
很好的推介

[5]
作者 mandy | 28th May 2006
你幾多歲呀?好似好鐘意d old song ge?我都好鐘意呢d歌ga^^

[6]
作者 藍秋 | 28th May 2006
Hello~ mandy 我幾多歲呀…?我係倫伯的歌迷,咁你話我幾多歲

[7]
作者 貓芙~ | 27th Jul 2006
很值得深思的文章…..多謝您的分享~

[8]
作者 藍秋哥哥 | 28th Jul 2006
係呀…我經常都有去重溫聽架

[9]
作者 白 | 3rd Sep 2006
真正的愛情關係是八十歲時參扶對方,相望微笑的情景。
就是這種類似的情景。
thanks.
我想斗膽轉載一下^^。

[10]
作者 藍秋 | 4th Sep 2006
冇問題!隨便呀 ^_^

[11]
作者 Tiffany | 6th Oct 2006
簡單就是美~

[12]
作者 藍秋哥哥 | 6th Oct 2006
無錯!只要自己活得開心!平凡就是美。
所以我好喜歡這段:「呢啲就係生活俾幸福平靜包圍嘅時候一啲平凡愛意總係俾渴望激情浪漫嘅心所忽略,愛可以係任何一種平淡無奇嘅型式,花呀浪漫等等事物不過係浮係生活表面淡淡點綴,係佢地下面先至係我地真嘅生活。」

[13]
作者 c.l. | 28th Jan 2007
雖然我還小,只有12歲,還未試過拍拖...也從來未試過答應誰要做他的女友,不過我總是覺得<<愛>>就是要這樣才浪漫!
如果要在(這樣)和(花)兩者之中,二選一...我寧願選擇和妳一樣,,始於花有一天會枯~~~

[14]
作者 藍秋哥哥 | 30th Jan 2007
我都認為大多數人會和我們一樣的想法~

[15]
作者 c.l. | 31st Jan 2007
又要再一次thank你la~~不過今次係thank你有睇過我ge留言!!!

[16]
作者 藍秋哥哥 | 31st Jan 2007
當然有睇啦~
正如我一直都講:Blog的力量是無限~
所以有您們的支持~
我的力量是最大~

[17]
作者 c.l. | 1st Feb 2007
I belive 你ge力量將會更大,because你多了我的支持~~

[18]
作者 藍秋哥哥 | 2nd Feb 2007
多謝妳支持呀~

[19]
作者 男人一個 | 4th Apr 2008
真係好感動呀….珍惜眼前人

[20]
作者 藍秋哥哥 | 5th Apr 2008
睇見他寫在字條內的文字真係好感動!睇到我都有點兒眼濕濕!

[21]
作者 白雪 | 8th Jun 2008
好感動…同埋…好有同感~
我以前都好任性, 所以都因為相同理由同老公講分開講左好多次…
但老公對我都不離不棄, 我喺出面踫釘時總可以返去佢度,
所以宜家我覺得好幸福, 好安心…

[22]
作者 藍秋哥哥 | 9th Jun 2008
是呀!其實幸福很簡單,吃得飽是幸福、睡得夠都是幸福、擁有平凡的生活也是幸福,只要彼此相互體諒、珍惜對方,也是維持幸福感情的最好良方。所以平凡的人多會感到幸福快樂!因為幸福就在我們身邊!

[23]
作者 車厘子 | 10th Jan 2009
個老公好好呀~

[24]
作者 藍秋哥哥 | 10th Jan 2009
是呀!呢啲老公真係唔知係邊度搵,可能已經絕晒種囉!
我好記得聽果晚,真係聽到眼濕濕,真係好感動呀!

 

1 comment on “一篇好感人 Blog 文章

  1. 引用通告: 一歲喇! – MYSTRONGMAN

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: