強說強話

年報

終於今晚係呢個深夜時段有時間同大家分享一下我農曆年的喜與樂喇…

“年廿九” 同屋企人食咗一餐又溫暖又開心的團年飯,食飽團年飯之後約咗我最愛的幾位舅仔同表弟行下年宵花市,但覺得今年嘅年宵花市冇以往咁好野睇,但氣氛今年都尚算幾熱鬧,而最可惜係今年我另外兩個舅仔唔得閒,唔可以一齊行年宵花市,如果有埋佢兩個一齊就十全十美。

“大年初一” 通常初一呢日我家都唔會去拜年,多數都是同爸爸媽媽去飲茶,但今年就約埋一班親朋戚友去咗水塘燒野食,見到好多表弟表妹幾開心架。

“大年初二” 一早起床預備返國內旅遊,因今年參加咗國內兩日團去中山旅遊,係中港城搭船返內地都幾舒適架,同估唔到係船上叫咗碗牛腩米係好好味架,比起香港好多粉麵檔都冇咁美味,各位如果返國內旅遊而又係中港城搭船的話一定要試下啦,而今天行程最開心都係在酒店內桌球室果一小時,同舅仔與表弟打咗一局波,因為好都已經好耐冇打過桌球喇,數數手指起碼超過十年以上冇玩,所以成日撻 Q 都幾好笑,好彩都入咗個紅波,不過係 (伕LOOK) 入囉。

“大年初三” 旅遊的第二天,今天去了一個士多啤梨種植場同杏仁餅製造廠及中山某條什麼商店街。

“年初四” 終於到等到今日喇,係我最鍾意嘅興趣釣魚,約咗: 依唷仔、爆竿王、昌B同琪B去維港釣魚,可惜今日天氣太差啦,又大風又凍所以成日都冇咩魚上釣,好在都釣番條石九公仔唔使食白果,如果唔係新年第一砲去釣魚而又冇收穫咁真係大吉利是囉。

“年初五” 返媽咪到團拜,挀咗好多利是…同影咗好多相,最開心係又可以飲到媽咪煮的魚翅湯,真係好好味架所以都飲咗三碗,呢晚都算代表作喇…稔住買支靚紅酒上去同佢地一齊品嚐,點知個個淨係飲啤酒攪到我一個人係度飲晒成支紅酒,終於成晚 hi~到第二朝。

“年初六” 去咗依唷仔到拜年,果日重約埋依唷仔、喵喵同嬋嬋一齊買餸添,重買咗隻大象拔蚌,由我親自整象拔蚌剌身添。

“年初七” 終於輪到今日可以去我最愛嘅舅仔明明度拜年喇,因為今天係一個大食會型式,所以每個人都要整一樣食品上去,我就整咗羅馬雞汁雞翼,食完個大餐之後我地一班人重玩咗好多遊戲,都係果句啦…開心到震。
ps: 羅馬雞汁雞翼只是魯水雞翼

“年初八” 今日約咗明明一班人去睇戲,我已經好耐冇入戲院睇戲喇,我地係睇呢套 「魔幻王國:獅子‧女巫‧魔衣櫥」,呢套戲都幾好睇架,套戲係講: 四個小孩無意中發現一個魔衣櫥,帶領他們去到納尼亞魔幻王國 ,一個曾經充滿精靈、小矮人和巨人的魔幻世界。但本來快樂和諧的納尼亞正被惡毒的白巫婆冰封,小孩們必須找尋正義的獅子王阿斯蘭,合力解開白巫婆對納尼亞施下的咒語。
“年初九” 唉、返工……

0 comments on “年報

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: