二零零六年四月十五至十八日內的九十六小時,係我人生中是不會忘記的,因為我經歷咗人生中好多的第一次。

060415001

原本這個復活假期是我期待已久可以去泰國玩釣魚,但可惜因某些問題去唔到,不過都不打緊,重有後備B計劃,是去韓國旅行,今次去韓國都算幾好玩,令我見識好多野,亦都令到我人生中多咗好多的第一次。

第一次同嬋嬋二人去旅行、第一次坐飛機、第一次食飛機餐、第一次玩我唔夠膽玩的機動遊戲、太多太多的第一次。

第一次坐飛機心情都有啲緊張,當飛機到達韓國仁川機場上空時,我由機槍望出去韓國的夜景都好美麗,當過完關步出機場大堂,令我驚奇是機場大堂內有好多部電視機給遊客觀賞,而其中一部重直播緊曼聯對新特蘭添,我當然唔會錯過睇啦,可惜完場賽果係 0 比 0 打和,這賽果已經令我知道曼聯已經無法追上車仔了。

睇完球賽之後,因當時係韓國時間早上五點鐘了,而我們第一日的行程亦由早上開始,只好係機場內食我來韓國的第一個早餐,第一個景點是坐濟扶島海鷗船餵海鷗,原來呢度的海鷗是鍾意食蝦條架,重要係辣味果種添,都幾攬笑,一落船見到好多街頭小食,我亦當然試下啦,之後去了幾個景點包括38線、自由橋、韓屋村等等,到咗晚上時段真的已經很累啦,食埋個人參燉雞場之後返酒店,因為由晚上坐夜機去到韓國機場已經早上,而直接去遊覽觀光到而家都冇真正休息過,當晚係我好少會咁早睡覺,未到十點已經睡了,真的太累啦。

第二日早上食完早餐,今日主要去兩個景點,第一個是去愛寶樂園,呢個樂園好大好多野睇同好多機動遊戲,玩了幾個遊戲包括,亞馬遜河激流、過山車及我第一次玩我唔夠膽玩的機動遊戲,叫雙岩石自旋喎,不過真係好激,去到高空之後再360度旋轉幾個圈,玩完之後真係有啲腳軟,好彩重行得到路…哈哈哈。

到下午時段去第二個景點華克山莊,起初都以為好大,因為佢係亞洲出名的賭場,原來都唔係好大,不過入到佢感覺上俾澳門果啲好好多,我換咗 W30,000 泥碼來玩,我都算幾好運,玩大細張枱玩咗四局買點數,連中四局贏咗 W100,000 真碼之後就去對換番錢,計一計原來贏咗港幣都有八百幾蚊,可以幫助吓啲手信錢。

第三日去的地方都係啲購物區,LANEIGE化妝品專門店,高麗人蔘專賣店,明洞購物區、南大門購物區、東大門市場、新村女子大學購物區等等,不過覺得韓國店舖設計得都幾有心思,但大多數店舖啲服務質素就太差啦,不過都有少數服務質素都好好既,但真係好少囉,而今日最大收穫是買了一大箱紫菜食品。

最後一日喇,本來今日係我地自由活動的,但我選擇跟團去極具歷史意義的戰爭紀念館,館內展出大量軍事歷史資料,更陳列著韓戰時南北韓雙方的大型武器,重影咗好多相添,及去泡菜學校學整泡菜同穿著韓服影相,之後重食埋大長今御膳硫磺鴨火鍋。

終於都去到仁川機場喇,起初稔住返香港時係機場幫我表弟買箱辛辣麵,點知走遍整個機場都找不到,好彩之前果日行購物區時買定咗啲手信,如果唔係真的唔知點算好囉,而總結今次旅行都幾好呀,我同嬋嬋重結識到兩位朋友添,第一個係韓國導遊,佢叫做金京子,佢好叻架韓語、英語、普通話都講好流暢,最特別係佢外表同神韻有八成似韓劇我係金三珣中的金三珣,所以呢幾日我地都叫她做金三珣。而另一位佢身份都幾特別,佢係越南華僑,係澳洲公民來香港旅遊探親,之後又香港啲旅行社參團去北京、海南島同韓國旅遊,佢都幾得意架,成日都會見到她食零食,見到咩都攞個電話計算吓個價錢,最多聽她講既就係咁貴架。

當飛機飛到香港島上空時,香港的夜景實在太靚、太美麗喇,個影像我一生都不會忘記。

1 comment on “韓之旅

  1. 引用通告: 一歲喇! – MYSTRONGMAN

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: