七月一日可以說係我近年來,開心同失落最大對比的一天。
開心當然是我又可以去釣魚啦,而失落就是我最喜愛的英格蘭出局了!!

今早我亦都如同以往一樣,約好咗“依唷仔”喺我屋企樓下巴士站等,一齊搭車出去銅鑼灣會合“一個人”搭地鐵。去到西灣河再會合埋“昌昌”和“娸娸”一齊食個靚靚早餐,之後就出發去碼頭上船出海,今天天氣相當之好藍天白雲,太陽伯伯仲笑得好燦爛添,是出海釣魚的最好天氣,只是間中落咗兩場過雲雨,不過都冇打擾到我們釣魚心情。起初我哋都係「哥連臣角」對出海面位置釣嘅,但可惜是太少魚穫上釣,只是一些「石九公」、「梳蘿仔」同「加衫魚」等等。而我哋相熟的船家“華姐”見魚穫不多就提議介紹我哋去一個新釣點,是石澳正灘對出海面的排位,我哋當然易口同聲話冇問題啦,最緊要有魚上釣就得啦。但係我哋都要問問“昌昌”有冇問題先,點解?嘻嘻… 因為怕佢暈船浪囉,因為對上果次出海佢都暈船浪呀,但果次佢話唔夠訓同早餐食咗通粉先所以暈船浪喎,佢話今次冇問題架,因為佢話今早冇食通粉轉咗食米粉,咁“昌昌”都話冇問題囉,咁我哋就當然去馬啦…
“華姐”果然冇介紹錯,到咗排位各人一落魚絲一陣子就即刻有魚上釣,雖然係「石九公」但SIZE就大好多囉,跟住各人仲不斷有「海黃班」同「紅班仔」上釣添,而我更釣到條「鳥絲班」。點知點釣咗一陣之後。已見“昌昌”面容已經出賣咗佢啦,真估不到今次又要“昌昌”同我哋打誘餌囉,哈哈。
不過今次要多謝“華姐”介紹的新釣點,我哋各人都好滿意,而今日都有四五斤魚獲都算唔錯喇,而且天氣又好,全日釣魚都釣得相當開心。

到咗晚上就由“昌昌”介紹我哋去一間叫權發的酒家食晚飯,直得一致推介是「金牌蒜香雞」,食完晚飯就當然去百佳買定啲睇波必須品啦,係咩?咪就是睇波三寶「花生」、「薯片」同「杯麵」囉。
到咗十一點開波喇… 「英格蘭」火拚「葡萄牙」生死一戰,兩隊只能活一隊,我哋就一定是支持「英格蘭」啦,而我同“依唷仔”及“一個人”為了支持「英格蘭」,這個星期更四出尋找「英格蘭」球衣,可惜… 可能我哋實在太遲去買啦,好多間店舖都冇貨及冇晒碼,買唔到只好精神上支持「英格蘭」。
「英格蘭」今仗繼續排出 4 5 1 這個比較防守性的陣式,都是以朗尼作單箭頭,上半場兩隊都互有攻守,我哋在上半場完的小小中場休息時間,就由我親自下廚來個清蒸海上鮮 (當然是今天的魚獲石班啦),而“一個人”就負責沖杯麵。
轉眼間下半場開波啦,易邊後51分鐘,「英格蘭」隊長“碧咸”因傷退下火線,當“碧咸”步出球場的一刻,我更是有種不安的感覺,而“碧咸”在後備席治療時更流下他今季「世界盃」的男兒淚。

直至苦戰到61分鐘“朗尼”的一次魯莽行動紅牌被逐離場,我的不安感覺更令我更不安,當時“朗尼”被“卡維奴”侵犯,“朗尼”竟不忿踩向對手「要害」,這一下即時令我想起98年「世界盃」“碧咸”紅牌被逐離場,之後被「阿根廷」打敗的情景再次出現係我的腦海。但“朗尼”這下的報復心態,真是不智。

雙方終於0:0踢完法定時間90分鐘,而雙方更激戰30分鐘加時賽,更沒法打破僵局,最終以最殘酷的十二碼來分勝負,結果「英格蘭」再一次敗於十二碼之下,“林柏特”、“謝拉特”的射失, “加歷查”的緊張令他重射被“列卡度”撲出。

結果「英格蘭」宿命難違!繼04年歐洲國家盃,再一次被「葡萄牙」以十二碼淘汰出局。

0 comments on “開心與失落

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: