強說強話

南區是我家 (鴨脷洲)

「鴨脷洲」位於香港島南區「香港仔」南面的一個小島,與「香港仔」只是一河之隔。而「鴨脷洲」的形狀有點兒像迷你版的香港島,整個島嶼主要是以住宅為主,集中在島嶼的北面部份,東南面部份及中部同都是山丘,稱為玉桂山。

現時的「鴨脷洲」已是大廈林立,亦是一個理想的居住地方,空氣清幽、綠草如茵。

東面部份有利東邨和深灣軒,更有幾間大型中小學及幼稚園。西北面部份是鴨脷洲西邨,是鴨脷洲歷史最耐的屋邨,西面部份是海怡半島屋苑,西南面部份則是一個規模細小的工業區。

而鴨脷洲大街更是食肆的集中地,成條大街可以話有很多間食肆,多數是以海鮮為主,唔知大家有冇去過以前大街尾的波地 (即是球場) 的大排檔食野呢!許多年前這個波地一到晚上就人山人海,有時仲要等位先至有得食,海鮮又多味道當然是好味啦!而且價錢仲好經濟實惠添,以前我每次出完海返來,都一定會約埋我的朋友去波地大排檔食飯,魚、蝦、蟹就一定冇走雞。

不過呢啲都已經成為歷史喇!因為政府在早幾年續步改善區內環境,當年的波地大排檔,而家已經變成一個給居民幽閒玩樂的鴨脷洲公園。

據《健力士世界紀錄大全》記載,「鴨脷洲」是世界上人口密度最高的小島,小島面積1.32平方公里,大約居住了90,000人以上,人口密度每平方公里68,200人,而我就是其中一個人。

記得小時候的「鴨脷洲」大多數是木屋和排廠居多,而「鴨脷洲」原岸一帶全是「住家艇」的蹤影,一行一行咁在海上排列,由洪聖廟碼頭以東至現時城巴巴士廠對出海面,都是「住家艇」的舊址,而岸邊一帶亦有很多排廠,這些排廠都是經營維修「住家艇」生意的,因為以我記憶所知「住家艇」是要定期維修,因為「住家艇」長期停放在水中,船底是比經常行駛的船隻容易損壞,所以大概九個月或者一年就要上排廠維修船底。

唔知大家有冇去過「鴨脷洲」呢!如有去過都會經過鴨脷洲大橋,在橋的的末端看見一間荒廢的小學,這間就是我小時候讀書的學校,而家每次搭車經過都不奇然咁望一眼,諗吓點解當時唔好好珍惜這些求學日子。點解我會咁想?

因為我小時候是個壞學生,亦經常都要見家長,不過大家放心!壞的意思都只係唔鍾意返學,因為我細個返學都經常俾其他小朋友戲弄,可能我細時比較內向同唔敢出聲,所以一直好對抗拒返學,但奇怪是我科科都好差,為獨是數學就好叻,果時我計數好快架!但更奇怪是而家我一見到啲數目字就頭痛!

0 comments on “南區是我家 (鴨脷洲)

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: