強說強話

您有無係網上結識朋友

今時今日如果突然間發現自己部電腦係有事嘅話,真係會發癲架!

話說我前一排喺呢個國慶假期,突然間發覺自己屋企部電腦上唔到網!不停噤不停按都上唔到網嘅時候,心想點算呢!因為我要上網搵料呀!咁點算呢!左攪右攪都唔知什麼問題?攪到自己好傍惶!心想一定係網絡問題啦!

於是我就即刻打電話去網絡供應商客戶熱線,問吓發生什麼問題啦?其實打親呢啲客戶熱線都知實有排等,不過冇辦法之下都要試下啦,但又出奇地好快有人接聽喎!

原來而家啲電話熱線支援服務,態度同服務都相當之不錯,果個接線生基本上完全好熟識所有電腦以及網絡上的問題,咁我只要講出問題?佢真係可以即時幫到我,同解決到我的問題,果一刻完全感覺到成個人鬆晒,真係好多謝呢位叫做「ERIC」的服務員。

之後我喺度諗今時今日如果大家無電腦呢樣野嘅話?無論係學生定係打工仔,我諗… 都幾辛苦囉,早排美國有個有關互聯網的調查,就發現現時有好多人都是靠亙聯網來做好多野,例如有人在網上購物啦,有人會係網上打遊戲機啦,有啲就利用互聯網網上服務交費,同用 ICQ 或 MSN 和親朋戚友聊天,甚至好似我咁寫吓網上日誌。

當然最普遍就是這三樣,第一用電腦睇網上新聞,第二就是收發 E-mail 同埋上互聯網搵自己須要的資料。

以上咁多種服務大家係咪好常用呢!不過當中有個調查發現,原來香港有四份之一的年青人,佢哋會透過網上結識異性朋友,你會唔會係其中一個呢?由其是18-29歲呢群網民,有 25.3%表示會在亙聯網結識異性朋友?呢個數字都相當之多架。

係美國都相當之多架!原來每年大概有4,000千萬個美國人,就會同一啲完全唔識嘅人,交換心事同交換一啲自己秘密,咁地點當然是網站上面啦。

其實係這個網絡世界裡面,都會有唔同嘅運作去比大家去結識異性,但當中一個基本條件,必須提供一啲基本個人資料,就好似一個廣告咁 ,要登出來比其他人知道你究竟是邊一類型人,裡面可能包括可能有你的相片啦,你的基本資料,名字與年齡等等… 咁有時會問埋你做咩職業啦,你的收入係幾多啦,你的教育程度啦,你的嗜好係咩等等… 咁如果對方睇到你段廣告之後,覺得你都幾啱傾喎!咁就會 E-mail 比你 又或者安排睇下可唔可以見個面。

但係的確呢樣野都幾普遍,咁大家有冇睇過呢啲別人的所謂一啲秘密同資料呢?可以稱之為廣告呢啲網頁,究竟裡面的資料有幾多係真呢?同佢地有幾坦白?有幾多係誇張同誇大失實,但如果佢哋唔誇張嘅話,又點會吸引到啲異性去睇同約會你呢。

而美國就搵來三萬個網民作調查,而調查所得發覺網上結交異性都是已男性居多,有百分之五十七,而年紀都唔細喎!都唔係年輕人呀,二十六歲至三十五歲為主。

有啲女性認為係網上結識一啲佰生人,仲要將自己一啲真既心事真既秘密講比佢聽,好危險架喎,呢啲都係女仔嚟嘅,不過原來大部份上網結識異性嘅呢!係男仔比較多有 57%,佢哋通常自稱自己比較有錢,身材就比較高同比較瘦啦,同埋比較靚仔添,至少佢哋喺網上係咁講喇。

當中有 4 %就係話自己年薪係超過二十萬美金!咁對番港幣都有成百幾萬喎!咁其實又喺咪真係佢哋所講呢?但睇番美國的實際數字,其實之前有個調查就訪問番網上的用者,原來擁有年薪超過二十萬美金的人,其實實際只有 1%,咁其實果 4%的人當中有三個是講大話!

咁無論男仔女仔都好,通常係網上話自己的身高會比真實的都講高一至兩吋,至於磅數男仔就冇咩失實,但女仔佢哋所講的磅數通常會比真實的少二十磅!嘩…… 好驚呀!係二十磅喎!都幾犀利。

另外大概有 70%女性係網上講自己都幾靚架!期中有 24%女性會話自己非常之靚添。

而男性就好少話自己靚,只有 21%話自己靚,比女性少啲啲喇,但通常有 67%就話自己比真實高度較高,可想而知男性是怕話自己矮,所以都報大高度,而男性就好少話自己唔靚仔,又或者樣衰,只有 10%話自己唔靚,所以重以上的數字來睇,係網上一啲典型男性女性佢哋通常都幾鍾意自己,所以形容自己都用一個好欣賞的角度來睇自己。

而美國仲有個好有趣的調查,有 28%的女性鍾意話自己係金頭髮,因為原來男性好鍾意女性是金色頭髮,但係據真實的數字話比我哋聽,係美國是沒有 28%咁多的女性是金頭髮,除非是說謊又或者是染髮。

咁其實點先可以在一些網站成為受歡迎人物呢?原因有好架!例如佢哋會貼自己的相片上網啦,無論你是否靚仔靚女都好,如果你有相嘅話比起冇相嘅,你會收到別人回覆的機會係多四倍,這個是男性的數字,如果你係女性的話有相比起冇相會多出六倍。

例如男性,就算你其他方面例如:人工,你的教育程度唔係好高,又唔靚仔仲有少少肥,又有少少禿頭都好,但係呢班人只要有相都比一啲冇相同自認有錢和靚仔的受歡迎!

咁當然要提醒大家要小心喇!其實當中有幾多成真幾多成假就不得而知,好多時網上的人為了結識異性,而加入許多美麗的形容詞來包裝自己。

0 comments on “您有無係網上結識朋友

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: