情深強話

一個人生日快樂

今天是我的好朋友一個人生日的大日子!好可惜因為我要返工唔可以同佢係正日慶祝!
不過……

我就約埋一班朋友仔係星期日去咗香港仔水塘,同佢燒嘢食慶祝,其實本來我想同佢去火爆島釣魚慶祝架!但想想吓都係去燒嘢食好啲,因為去火爆島唔係咁適有女士們去,所以選擇咗去香港仔水塘。

我知道一個人係好喜歡燒嘢食,而且佢仲好喜歡食喺石排灣街市買的燒烤食品,所以我都特登去咗果到買燒烤食品。講真一句呀!呢檔專賣燒烤食品的舖頭,真係無邊間可以好味過佢,因為我哋好多時都去燒嘢食,試來試去都係鍾意食係呢間買的燒烤食品,點好食法呀!當您哋試過一次就一定鍾意,推介首選是豉椒排骨、黑椒雞翼同豬頸肉。

之後我仲係街市買咗條烏頭魚、大活蜆和生猛草蝦,而嬋嬋仲特別買咗個黑森林蛋糕添,買好晒所有野就當然即刻上水塘啦!

嘩… 一上到水塘燒烤場!嘩… 好多人呀!呢個香港仔水塘燒烤場真係好多人來燒嘢食,所以去呢度燒嘢食一定要早,又或者搵定人上去霸定爐,遲啲上去就會冇燒烤爐比你燒嘢食架喇!

而且今日嘅天氣好適宜燒嘢食,廿零度氣溫而且仲有少少風,簡直是天公造美。

整好晒所有野之後,當然要馬上起爐喇!起定個爐等我哋壽星仔一到場就可以燒嘢食啦!

因為壽星仔上午有要事去做所以遲少少到,終於壽星仔到場喇!而且仲帶咗我哋期待咗好耐同好懷念的香草羊扒添,因為呢啲香草羊扒唔係時常可以食到架!自從上次食完之後,一直都好想再食,燒起上來又有好香濃的香草味,而且仲冇羊肉嘅蘇味,所以特登叫壽星仔的朋友喺長洲買番來。

既然壽星仔都到場,咁大家就當然開始燒嘢食啦!但唔知點解每次去燒嘢食,第一轉燒的食品都係腸仔嘅?而且仲攪到腸仔大混戰咁!都幾得意。

當燒咗兩三轉嘢食後,更係到今日的第二主角出場啦!就係生日蛋糕喇!當嬋嬋同喵喵從蛋糕盒攞個生日蛋糕出來的時候!咦… 點解唔見晒啲士多啤梨嘅!原來啲士多啤梨跌晒落來!於是即刻眼明手快快放返落個蛋糕度先!哈哈!無事!又變番一個靚靚黑森林蛋糕。

唱完生日歌,吹埋蠟燭,又食埋個生日蛋糕,個個都開始有啲飽喇!於是大家就圍埋一齊玩吓遊戲,當肚仔有啲餓嘅時候,又可以再燒過嘢食,但奉告各位如果燒緊嘢食就要專心啲喇!如果唔係隨時燒到一雙美味的雞翼變成鴛鴦雞翼囉!

燒完嘢食仲去咗我返屋企繼續玩添!而且仲玩了近期喺電視節目遊戲天王最好玩嘅「捉老鼠遊戲」,邊個輸咗就放粒綿花糖係口裡面,唔準食一路含住粒綿花糖繼續玩,含到第三粒先可以食,終於攪到個個含住兩三粒綿花糖係口度!場面都幾攪笑!

0 comments on “一個人生日快樂

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: