齊哇哇釣魚會

無爆竿!但打龜!

近排不斷聽到話海怡半島經常有人釣到大魚,於是上個星期日搵埋一個人、華少、偉哥一齊去試探吓有幾大條。

其實係海怡半島釣到大魚,一啲都唔覺得出奇,因為海怡呢個地方是南區一個幾熱門的釣點,無論日與夜都會見到有人釣魚。

所以我哋一得閒都會落海怡玩番幾粒鐘,三五知己釣吓魚,吹吓水都幾寫意,但始終釣魚都是要講吓運氣,亦都未必次次都有魚穫,咁釣到魚當然好啦,就算釣唔到都唔緊要呀,起碼係呢度釣魚唔使爆竿呀!哈 … 哈 …!

咁果日我哋都幾晏去釣魚,同有人要買魚竿呢!所以就約埋一齊去咗香港仔食野先,我哋去咗香港仔中心數碼天地地下新開冇幾耐果間,唔記得間店舖叫什麼名稱,食越南式河粉,呢間食越式河粉店舖我都食過幾次,味道都幾好,尤其是生牛肉河粉,啲牛肉同河粉都幾滑口,而我就最喜歡食果個什錦拼盤,本來果日都想叫嚟食,但冇理由晨早流流食炸野架嘛,所以都冇叫到。

食完野當然係去釣魚舖買野啦,去到釣魚舖我就負責買魚餌,而買魚竿果位!其實大家都估到係邊個啦!哈 … 哈 …!

雖然話係海怡釣魚唔會唔爆竿,但近排我同一個人唔只成日爆竿,仲好耐都冇魚發過市,講起都有啲失敗,堂堂一個「齊哇哇釣魚會」會長,居然次次釣魚都空手而回,希望今日會好啲喇!起碼釣唔到大都釣番一兩條細魚沖吓喜都好呀!

幾個人釣咗個多鐘頭,終於都有人有魚上釣喇!邊個?係華少呀!嘩 …. 見佢果支成廿一呎嘅涼衫竹魚竿,彎到好似一把弓咁,一定知道是大魚啦,見佢係咁攪係咁攪,而我哋就係旁邊係咁睇住個海面,好心急呀!咁重未見嘅,終於攪到上水面喇!嘩 …. 見到喇!係條過斤重“紅魚”,當時華少簡直開心到佢忘晒型,笑到見牙唔見眼,華少!勁呀!

果日華少都幾好運,釣完紅魚又俾佢釣條手掌大嘅“打鐵立”添,佢又係乜魚都有釣到,連最毒嘅老虎魚都俾佢釣埋,真係唔夠佢呢個雜魚王玩。

而我就真係俾我釣到兩條囉!一條“花蛇仔”和一條“火點BB”,至於一個人就 … 嘻嘻!都係唔好講喇!

0 comments on “無爆竿!但打龜!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: