情深強話

溫暖的十二月

唔知大家覺唔覺得十二月份是最溫暖的月份呢!
尤其是結婚喜宴多會是在十二月舉行,以我為例都收了兩個"紅色炸彈"加一個"原子彈"!
哈哈!"原子彈"是什麼?咪係自己親人結婚囉!

記得上年十二月都是如此,"紅色炸彈"加一個"原子彈"!咁其實"紅色炸彈"殺傷力都冇咁大,不過"原子彈"的殺傷力就大好多啦!但是…… 這個"原子彈"是係我期待咗好耐,等佢射擊我等到頸都長嘅"原子彈"。

二○○五年十二月八日,是我一生中最喜愛的舅仔結婚的大日子,其實每一個舅仔我都是最喜愛的。

最開心是我可以同佢做婚宴上的幕後攪手,記得當時"昌昌"打電話同我講:我結婚喇!"小強"可唔可以同我攪啲嘢,令到我有個難忘的婚禮,我即刻回答"冇問題"你叫到我一定做。

其實想攪一個難忘的婚禮,最重要是有一系列的構思同用什麼形式,因大多數的婚禮形式都是千篇一律,由早上接新娘,中午到婚姻註冊處註冊,晚上酒樓擺酒,一對新人進場切蛋糕,中場時段玩新娘或一些遊戲節目之類。

所以我哋倆兄弟就想出很多別出心裁的構思,令到當日婚禮上每一個時段都帶給大家一點驚喜同難忘回憶。

當中包括婚宴檯上的席位號牌、大利是封、大支票、座位貼紙、抽獎券、人型紙版公仔同我特別送給他的婚紗照月曆,而且仲有這兩位好表弟拔刀相助,我都要講一聲:表弟多謝你哋。

終於到咗十二月八日喇!當日接新娘的早上,一大班型男壯男兄弟團(當然不包括我啦!因為我不是型男或壯男),陪伴著新郎哥到達新娘子屋企接新娘,跟隨當然是由一大班靚靚姊妹團玩玩新郎先啦,玩咩呀?都是一些為難吓新郎哥和兄弟的一些高難度遊戲囉!最攪笑一個遊戲是要其中一個兄弟,著住婚紗仲要搽埋口紅,走去隔離鄰居度講祝福語。

玩完新郎同兄弟後,當然要比開門利是啦,嘩…… 一張寫住"玖萬玖仟玖佰玖拾玖元玖毫"的大支票出場啦,成班靚靚姊妹團望住張大支票,開心到忘晒型,幾乎連真正的開門利是都忘記收,簡直是難得一見。

接了新娘當然是回男家拜神和敬茶給長輩,之後就是去婚姻註冊處,新郎為了令新娘子有一個驚喜,新郎在簽紙前的一刻,向新娘子遞上一個長期飯票的銀行存摺,當時新娘子的心情甜到沒法形容。

到了晚上婚禮的晚宴,越接近開席時間新郎就越緊張,終於開席了,亦是最精彩一幕,當新娘子在大門外等著新郎帶她進場時,新郎用他雄厚歌喉唱出"向全世界說愛你",一路唱一路步向新娘子面前,之後帶著新娘子步上台上,當新郎新娘上到台,台下全場的賓客好像演唱會Fans一樣,瘋狂大叫 ENCORE ENCORE,氣氛簡直一時無倆。

切完結婚蛋糕,當然唔少得一對新人,對父母說出的深情對話,說完新郎走來我面前當眾同在場賓客說,今晚我要好多謝一個人,好多謝佢咁用心為我製作出咁多咁特別的嘢,令到我的婚禮可以有咁特別效果,呢個就係我姐夫"小強",多謝你小強。

聽到呢句我簡直感動到落淚,即時面都紅晒,不過我真的好開心,開心唔係因為昌昌在場說多謝我呢句說話,而係我可以為我最鍚的舅仔,在他的婚禮做點嘢,而令到他有個咁難忘的婚禮。

食完翅又到敬酒時間,當敬酒完畢,全晚最令在場賓客期待時間終於來臨啦,就是婚宴的壓軸大抽獎,因每位親友來賓到場時,各兄弟姊妹都會向他們推銷一些抽獎券,這些抽獎券是買 $20元一張,而我哋製作的抽獎券是一套六款,每款都印有一對新人的婚紗照,如果一次過買齊六款仲有特價,就是 $100元一套,想不到反應比預期中好到不得了,250張抽獎券全部售罄,而且有好多人買全套添,就算抽唔中獎,留為記念都唔錯架,因為真係好靚架。

而玩法就是將所有賣抽獎券得番來的錢,放晒入一個大抽獎箱內,當抽到你就可以用一隻手放入抽獎箱攞錢,攞得幾多就幾多,咁當然抽獎箱裡面唔會只有錢咁易比你攞啦,抽獎箱裡面仲放有一啲七彩繽紛的紙仔添,當中我哋仲放一張印有特別公仔的碑牌入埋去,如果攞到呢張印有特別公仔的碑牌,成個抽獎箱入面的錢就全數攞晒,都幾刺激架。

第一位幸運兒由新郎哥先抽出來玩,之後就由這位幸運兒玩完抽下一位,如此類推,玩咗成大概七至八個幸運兒之後,終於到最後呢位幸運兒可以攞晒所有錢走啦!當晚我自己都買咗一套,可惜抽唔中我呀。

當晚真的很開心!"昌昌"早幾日是你同"琪琪"結婚一週年,因為我近排工作上太過忙的關係,而沒有同你說句結婚一週年快樂或找你食飯,希望你見諒,係度我再說一句結婚一週年快樂。

061212012

姐夫小強~

0 comments on “溫暖的十二月

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: