強說強話

我的快樂聖誕

有句說話真的講得無錯,就是「快樂不知時日過」。
話咁快一連三日的聖誕假期話咁快就過去,
唔知各位藍朋好友今年的聖誕假期過得開心嗎?我就好開心呀!

23號聖誕前夕,雖然都是工作天,但我都一如以往收咗工,約埋我的朋友仔去尖東睇燈飾,講到今年的燈飾,我覺得一年比一年差,尤其是由尖東望向中環都已經無上年咁多商業大廈有燈飾佈置,就算尖東文化中心都有以前咁多同靚燈飾睇,不過一年一次的聖誕節,始終睇燈飾是必然的節目,尤其是一家大細食完晚飯或約埋三五知己,來尖東睇吓燈飾,影吓相感受一下節日氣氛都幾好嘅!
為有寄望下年香港的經濟好啲,會有多啲大機構攞錢出來作燈飾佈置,使我哋欣賞到美麗的聖誕燈飾啦!

24號平安夜是咁多年聖誕以來最平安的一夜,因平安夜晚無出去玩倒數,只是食完晚飯約埋一個人、依唷仔、華少落咗海怡半島海濱長廊玩夜釣。

你哋都知我呢排去親邊到釣魚都是白果收場,於是襯平安夜睇吓可唔可以改變吓運氣喇!今晚我仲買咗啲中蝦作魚餌,可惜都是…… 唉!都係唔好講啦!為有寄望 2007 年有個新轉機喇。

不過今晚平安得嚟都幾開心,因為都好耐未試過四個大男孩玩夜釣囉,而且仲吹住海風、食吓咖哩魚蛋豬皮蘿白同開心果、齊齊飲吓啤酒、聽住靚靚的情歌,把歌談心。

25號聖誕節,今天同爸爸慶祝生日,因今晚諗住打邊爐同爸爸慶祝生日,諗住訓醒同弟弟一齊落街市買野,點知起身時睇睇個鐘,嘩……. 兩點幾!大件事訓過龍添,好彩我的弟弟已經買好晒打邊爐的所有食品,又海鮮又菜,而且仲一手一腳整好晒,唉… 弟弟,哥哥真的有點唔好意思,要你一手一腳攪掂晒所有野,下次同媽媽慶祝生日時到我負責晒所有野啦!你哋只需坐定定埋位等食啦!OK。

26號 Boxing Day,今日的節目是我最喜愛的 BBQ,又是約埋一個人、依唷仔、華少去水塘燒嘢食,可能是即興關係,本想搵埋我三個好舅仔架!可惜佢哋要返工同有事要做嚟唔到,希望下次可以再同佢哋一齊燒嘢食啦!

今次都算是近年燒嘢食最豪一次囉,有生猛海中蝦、帶子、蜆之類的海鮮,咁雞翼、牛排、腸子、豬頸肉、排骨等等當然唔少得喇!而且仲買咗兩支紅酒添,一於來個海鮮紅酒燒烤大會,由下四點玩到成十點幾,而且好耐都未試過今次幾乎所有食物都食清晒,只係食淨一袋丸類食物,而今次燒嘢食我覺得最美味嘅都是栗米,原來栗米連包紮的葉一齊用錫紙包住燒是最美味,可能包住晒令到栗米內都保持住有水份,所以特別香甜,比起用叉叉住來燒仲美味,大家不妨下次試吓用這個方式來燒栗米呀。

係喎!今日是 Boxing Day 喎!各位拆咗聖誕節禮物未呢?我就拆咗喇!

不過每年的 Boxing Day 我最想拆的禮物,就是曼聯贏波的喜訊,好在每年呢份禮物都一定會拆到,好以今晚咁曼聯主場以三比一贏韋根就是我每年最喜歡的 Boxing Day 禮物,而且車路士仲要主場遭雷丁迫和添,重之今年我的聖誕節都是快樂的聖誕。

0 comments on “我的快樂聖誕

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: