博博與我

Why we blog?分享會

好耐都未試過平日都咁早起床咁健康喇!點解我會咁早起身?因為今日要去參加分享會囉!

2007 年 1 月13 日 (星期六) 早上十點三十分我去咗參加,由「e-zone 與 MySinaBlog 舉辦的 Why we blog?分享會」

時間一到就由資深 Blogger《moliuOLOGY》,他對 Blog 的發展及文化極之熟悉;兼電台主持:潘詠鏗開始講解 Blog是甚麼?而且更請來兩個 Blogger 作嘉賓,講吓他對 Blog 的感想和心聲。

第一位是一個以繪圖形式寫 Blog 的女 Blogger (Tina),雖然 Tina 不是一位職業畫家,在她的《Take me home》網誌中,每一篇文章都有一張圖畫。係簡單的線條、簡單的顏色和沒有甚麼的場景的陪襯下,你亦能感受到她文章的意思。而且真人仲係好靚女添。Tina 更是全港首位將 Blogger 內的圖畫,出版咗第一本繪本作品,跟她的 Blog 一樣名為《Take me home》。

而第二位 Blogger 嘉賓是多媒體及音樂創作人,出版本地著名 Podcast:《CMM。創作人。腦地圖。Podcast》的林子揚。林子揚更講解另類寫 Blog 的方式,這方式是 Podcast,是以影像加聲音的表達方式,而他講的點解用 Podcast 來取代書寫的表達方式的一番話,令我都覺得幾特別,內容大致上係咁講:我哋平時去睇 Blog 的時候,可以睇到一半唔睇,又或者睇咗開頭少少再去睇埋結尾,甚至係咁看一看些少內容就算。

而 Podcast 就唔同,因為以短片形式播放,就好似看電影一樣,無論你睇開頭又好,唔睇頭段睇結尾都好,你始終唔知中間那般是什麼?你始終會睇晒成段短片先可了解個中事情。所以我都有去他的 Blog 睇吓甚麼是 Podcast,而他的短片製作認真,仲有嘉賓精彩訪問。

雖然我唔明白 Podcast 的運作,但我想我會經常來這裡睇 Podcast。其實原來第一個 Blog 是在 1997 年開始,網誌的英文 Blog 起源於 weblog,意思是網路日誌。

而在 1999 年 6 月,已經開始有免費的網誌服務,緊接著 8 月,Blogger.com 的成立,另到有更多人去接觸 Blog,而 Blogger.com 提供了簡單易學的操作,以及能通過 FTP 直接將網誌發表在個人網站上的功能,這帶給使用者很大的方便。

目前已經有了很多網誌服務供應商,簡稱(BSP),其業內人士更對其盈利和前景,持謹慎樂觀態度。其實寫網上日記原因是為了記載日常生活上所遇到的事情,如果只是純粹記載的話,他們會覺得沒有什麼問題的。

要表達心中的所想,為何不直接寫傳統的日記,由於現今時代不同,已是數碼時代,每個人都可以隨時隨地寫 Blog,加上寫 Blog 的潮流已經是趨勢,不能阻擋,自然會少了人去直接寫傳統的日記,而且寫傳統的日記,會隨著時間的轉變,可能日記簿會變黃,破爛及遺失的情況。

而用半公開式的方法,讓網上的人知道自己所想和不想直接向人說出的事情,原因是始終不想別人知道自己的身份,因俾人知道自己的身份後,可能會出現有尷尬的情況,而睇你 Blog 的人除了不會知道你的身份外,他們看完也會提供意見和給予支持,支持是否指 (瀏覽次數)呢。

而我覺得﹕Blog 可以記載本人的歷史,可以給世人有以史為借鏡的參考,加上有您們的支持,使我更有力量去寫 Blog。

其實我一直以來都未試過參加過這些活動,尤其是會場內所有人我都不認識,雖然你哋時常見我係 Blog裡面講好多嘢咁,其實我是一個很怕羞的人,就好似今日咁,潘詠鏗來問我問題時,我驚到面都紅晒,好在我都保持鎮定咁答咗條問題,仲得到本好靚的記事簿添,而臨走時 MySinaBlog 仲每人增送精美紀念品乙份,打開一睇是一個設計同印刷得好精美的坐檯月曆,而且仲可以以八折優惠價購買《Why we blog?點只日記咁簡單》新書乙本添!我當然第一時間買啦!終於都唔使等到 15 號喇!

 

 

 

 

 

0 comments on “Why we blog?分享會

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: