齊哇哇釣魚會

火爆島的魅力

上星期日我哋呢班齊哇哇釣魚會大細路,又即興去咗火爆島釣魚呀!

其實今日我哋都冇諗住去火爆島釣魚,本想出海船釣,但可惜我哋租開出海船釣的華姐冇期,而又諗唔到去邊好,所以就選擇咗去火爆島。可能你哋會問?點解又係火爆島嘅!你哋應該有好多地方選擇喎!無錯呀!係有好多地方給我們選擇,但火爆島實在俾咗我哋太多開心的回憶。

記得第一次去火爆島已經是 2002年的冬天,果次一班不知天高地厚的大細路,係氣溫只得幾度和下著雨的天氣低下,第一次踏足這個地方,印象最深刻!而我就係呢個島度釣到我第一條的細鱗魚,雖然係細條咗啲,但都算係一條不錯的漁獲。

070201001

經過這次咁開心而難忘的經歷後,我哋都會耐不耐去呢度釣魚。

我哋每次去火爆島釣魚,都唔單只係釣魚咁簡單,有時仲會買埋雞翼豬扒腸仔等等燒烤食品去燒嘢食添!而最激一次都算是前年年廿八果日囉,氣溫又係得果幾度,又落埋雨,但呢三個傻仔依然燒得咁開心,緊係啦!係咁寒冷的天氣低下,享受到熱辣辣的雞翼同燒蝦,而且仲可以將即時釣到的魚燒嚟食,簡直一流,係咪好佩服我哋呢!而最令我難忘的都算是這次,我真係估都估唔到佢哋竟然買埋生日蛋糕去釣魚,果日我見到個生日蛋糕真係好感動!昌昌、琪琪、聰聰、楓少我真係好多謝您們咁有心思,想到係火爆島同我慶祝生日,我會永遠都記得當日每一分鐘的情景。

070201006

所以今日我哋都一樣會買埋燒烤食品去燒嘢食,但食完早餐之後,買齊晒所有嘢,諗住去買魚餌果時,哎呀!點解會咁架!一直幫襯開果間釣魚舖竟然休息喎!只好走去第二間買啦,去到第二間釣魚舖,有冇攪錯!居然冇生蝦賣。

不過唔使擔心,仲可以去街市買草蝦去當魚餌釣魚,還掂嚟到街市當然會買番幾隻十隻海中蝦,睇吓有冇運遇到大魚啦,就算魚唔食都唔會嘥,起碼可以燒埋嚟食喔嘛!

其實今日都好驚天氣會好凍,因為天氣報告都話今日天氣寒冷,但竟然陽光普照,係啲咁嘅天氣一邊釣魚,一邊燒嘢食簡直一流啦!

雖然今日釣的都是石九公仔,但一樣咁開心,始終覺得嚟呢度釣魚都是享受個中樂趣,正如我之前所講,每次都有意想不到的漁獲驚喜,而今次驚喜就是花蛇加雞泡魚打孖上,哈哈!

0 comments on “火爆島的魅力

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: