強說強話

我的豬年悠長假期之“送狗迎豬”

終於今晚係呢個深夜時段有時間同大家分享一吓我嘅豬年悠長假期喇!

“年廿九”開始放假喇!今日同屋企人食咗一餐溫暖而又開心的團年飯,今年除了自己一家人外,爸爸仲叫埋兩個姑姐同埋啲細路來食團年飯。好耐都未試過咁熱鬧食飯啦!而且又可以見吓啲表弟表妹,仲有我由細睇到佢大最乖嘅 Friend表弟文傑添!

今晚媽媽一如以往親自下廚,整咗好多好美味的菜餚,先來一個乳鴿響螺湯,個湯煲得好鮮甜好好味,所以我一真以來都認為媽媽煲的湯是最好飲的湯,每次都會飲兩三碗以上,而最後我更會連所有湯渣都食埋架。除了亞媽靚湯之外,當然唔少得媽媽煮的各式各樣佳餚啦!有薑蔥炒蟹、西芹炒蝦、雞、海參炆花膠、冬茹炆鴨腳、青蒸海芝麻斑、菜心同埋我最喜愛的咕嚕肉。這晚團年飯真係食到我好飽,簡直飽到連明天早餐都唔使食,因為實在太好食喇。

“年三十”同岳父岳母舅仔飲早茶,飲完茶同嬋嬋出咗灣仔行街街,而且仲買咗部手提遊戲機,係咩遊戲機?當然是無論三歲小朋友到六十歲公公婆婆都喜愛嘅「Nintendo DS Lite」啦!

一返到屋企就更係即刻上網搵 Game玩啦,第一隻 Game當然是“料理媽媽”啦!點解?因為嬋嬋鍾意玩囉!而第二隻 Game就是“超級馬里奧大賽車”,因為真係好懷念「N64」時期的孖寶賽車,所以我覺得無論你識唔識玩 NDS 都好,呢兩隻 Game一定要有囉!之後我仲發覺可以將開機畫面改圖片添,咁當然要放番張我近期最喜歡的相放入去啦!你哋睇吓幾靚。

而今晚就同岳父岳母舅仔佢哋食團年飯,食完團年飯就同岳母舅仔玩吓麻雀仔,一如以往我呢個魚腩姐夫,不負眾望再次為大家帶來歡樂。

今晚亦約咗聰表弟同楓表弟一齊行年宵花市,當時間一到十二點就是大年初一啦!記憶中都未試過咁準時一到年初一就排利是,排完利是比舅仔同兩個表弟之後就起程出去行年宵花市,但覺得今年年宵花市都係冇以往咁多野睇同啱心水的物品,但氣氛都尚算幾熱鬧,不過都買咗一對豬仔攬枕,都算是一男一女樣子,都幾可愛架!

SAMSUNG DIGITAL CAMERA

0 comments on “我的豬年悠長假期之“送狗迎豬”

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: