強說強話

肥秋下廚

自從「美女廚房」這個節目之後,每當大家食到一啲淡而無味,又或者好睇唔好食的食品後,都必定會大叫:「美女廚房,難食到爆腸」。究竟「美女廚房」是否來形容「出得廳堂入得廚房的女子」,或是形容「好睇唔好食的食品呢」?

但我相信以下的食品,一定會是好睇又好食的食品,正所謂「齊哇哇廚房,好食到爆腸」。

農曆年初七因為嬋嬋陪媽咪和姑姐返深圳遊玩,所以我又做住一日孤兒仔先,但冇理由年初七「人日」一丁友渡過架嘛!咪諗住等一個人收工後,約佢去食晚飯囉!

但係… 忽然諗起不如今晚來個美食大餐囉!於是乎就即刻再打俾一個人,話今晚轉地點係依唷仔屋企攪大餐。而我就當然煮我最拿手的海鮮啦,係街市我買咗紅蟹同鮑魚仔,諗住煮薑蔥炒蟹和青蒸鮑魚仔。

SAMSUNG DIGITAL CAMERA

薑蔥炒蟹材料:紅蟹三隻(約兩斤),薑,蔥,紅辣椒仔。

調味料:生抽2茶匙,鹽半茶匙,糖1茶匙。

做法:

(一) 將薑切厚片,蔥切段。

(二) 將蟹洗刷乾淨,剖除內臟,斬塊,抹乾水分,在切開的表面,沾上生粉,放入滾油中泡熟,取出。

(三) 燒熱油兩湯匙,先將薑片、蔥爆香,跟住將蟹落鑊兜炒均勻再落少許紅辣椒仔,放入調味料,蓋煮 8-10 分鐘,至汁水剩下少許時拌勻上碟 。

SAMSUNG DIGITAL CAMERA

青蒸鮑魚仔亦都好簡單,將鮑魚仔洗刷乾淨,排上碟上蒸 12-15 分鐘,蒸熟後放少許蔥花,再將滾油淋上面,最後落啲蒸魚豉油,咁就完成,係咪好簡單呢。

SAMSUNG DIGITAL CAMERA

而依唷仔就炮製佢強項,煎牛扒,見依唷仔燒熱平底鑊後,用猛火煎牛扒,煎到一面轉色後,再反轉另一面,落少許牛油進鑊煎未熟那面牛扒,但要記得小心睇火,因為落了牛油會較易煎燶。

SAMSUNG DIGITAL CAMERA

見依唷仔煎到適合的熟度,即七成熟,再淋上黑椒汁,嘩 … 美味的黑椒牛扒呀!

SAMSUNG DIGITAL CAMERA

最後就由喵喵主理白汁意粉,雖然煮出來啲汁唔多夠,但勝在煮的意粉軟硬適中,再加埋啲黑椒汁又真係幾好味喎!

有咁豐富佳餚又點少得美酒呀!

我哋一路品嚐著豐富的美食,一邊把酒暢談,最後當然會係飲飽食醉啦!

跟住嘅娛樂當然是玩 WII 啦!除咗保齡球、賤兔之外,原來 WII 嘅小新和龍珠都幾好玩,尤其是隻龍珠遊戲,真係諗唔到要做到好似孫悟空的動作先可以出到龜波氣功,厲害!厲害!

0 comments on “肥秋下廚

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: