強說強話

人人都是廚師

剛過去的星期六我哋呢班齊哇哇大細路,又再一次反轉廚房啦!

上星期接到依唷仔電話;

依唷仔:你星期六果日收幾點呀?

藍秋:如無意外應該六點收工囉!有節目呀?

依唷仔:你收六點就啱晒啦!不如落嚟我屋企一齊整嘢食囉!

係呢個時候我當然舉腳贊成啦!藍秋:好喎!還掂我星期六收工都係同嬋嬋兩個人食飯,冇問題呀!咁你安排搵其他人喎!

就係咁我哋呢班齊哇哇大細路,又再一次係依唷仔屋企反轉佢個廚房!

其實原來今次係應大小姐要求,因為上次整嘢食佢有事嚟唔到,而佢又想試吓我的「薑蔥炒蟹」,所以就係呢個星期六再搞一次大食會。

我今次除咗煮「薑蔥炒蟹」外,仲會煮多兩味菜式「椒鹽賴尿蝦」同「豉汁蒸帶子」,雖然「椒鹽賴尿蝦」係街就食得多,但係自己親手整都係第一次,因為整「椒鹽賴尿蝦」係好講求鑊氣,先要將賴尿蝦炸透,跟住再將辣椒絲同蒜蓉一同起鑊,再將之前炸好的賴尿蝦回鑊再炒 3-4分鐘,最後再放准鹽調味。

 

而依唷仔當然炮製佢嘅強項煮西餐啦!佢就整咗兩味菜式,包括「香草焗羊鞍」同「黑椒牛柳」。依唷仔煎牛柳的手勢越來越有水準,我要六成熟,完全付合晒我的要求,食時落埋佢獨製的黑椒汁,簡直一流。

 

而最令我哋驚喜的另一位廚師就係一個人,佢第一次下廚的處男作「黃金蝦」真係好好味,我幾乎食到連蝦殼都食埋,一個字講晒“正”

070326007

其實除咗以上呢三個男廚師之外,仲有兩個美少女廚師架!就係喵喵同大小姐,佢兩個就整咗「黑椒火腿絲意粉」、「芝士蒜容多士」同埋「Tiramisu」。

你哋唔好以為佢兩個好似電視果啲美女廚神咁喎!佢兩個煮嘢一啲都唔雞手鴨腳,起碼唔會食到你入廠先啦!

0 comments on “人人都是廚師

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: