強說強話

香港仔避風塘特色美食艇仔粉

一碗充滿著香港仔避風塘懷舊風味的特色美食“艇仔粉”唔知各位藍朋好友有冇品嚐過呢?

070329001

記憶中,我第一次食“艇仔粉”已經是很久很久了,當時我都仲係幾歲大的小孩,那時我的家庭背景是漁民家庭,爸爸亦是以出海捕魚為生,每當爸爸的漁船返回避風塘,我必定可以有“艇仔粉”食,而每次食完一碗“艇仔粉”我都唔捨得放低筷子,點解?仲使問更係唔夠喉啦!

當爸爸每次見到我食完都唔捨得放低筷子,都會問我:係咪想食多碗呀!而我多是唔敢出聲話要,只是點點頭,就係咁!我每次都可以食兩碗“艇仔粉”。

您可能會問點解香港仔避風塘的“艇仔粉”咁受愛戴!主要原因是有它懷舊的風味外,其主要原因是它的湯底,一直以來“艇仔粉”的湯底是用大地魚餚製 (即是漁民稱之為地溥魚),用大地魚來煲成的湯底,鮮甜而不太膩,除用大地魚之外,有些都會用煎熟的大眼雞魚或梳羅魚來煲湯底,味道亦都好鮮甜。

除咗大多數人喜愛的叉燒河之外,仲有燒雞翼、切雞、燒鴨、紅腸、炸魚片等等配料,仲有糯米飯添,而我就喜歡食叉燒燒鴨河。

070329002

如果您想品嚐一吓咁有避風塘風味的“艇仔粉”,可以在傍晚時分去香港仔碼頭碰吓運氣,即利群商場天橋行出去香港仔海濱公園,公廁對出個碼頭,晚上七點零鐘有隻艇仔泊係碼頭度。

不過今時今日食“艇仔粉”真係好講緣份!因為佢未必每晚都會開檔,就算咁啱俾你遇見佢係碼頭開檔,都要排隊先可以有得食。

070329003

正如一個人所講:放工專誠去食,冇開!釣完魚去食,又冇開!當食飽飯路經碼頭,佢就有開!

所以話今時今日想去食碗“艇仔粉”就睇吓您同佢有冇緣囉!

0 comments on “香港仔避風塘特色美食艇仔粉

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: