一直以來當你係十三號加埋星期五呢一日做襯什麼事都碰釘,又或者頭頭碰著黑,都認定呢日是黑色星期五,不過當你個人黑仔起上嚟!無論呢日是幾多號又或者是星期幾,都絕對是黑色星期天!

2007 年 4 月 29 日星期日,今天約咗細佬去佢工作的地方釣魚,因為成日聽細佬講佢果度是秘位,普通人是唔可以入到去釣魚,所以魚穫一定會有保證,點解會咁有保證!因這地方附近是漁船停泊的地點,而這些漁船是運載生猛海鮮的漁船,當他們交魚給收魚的漁販時,往往都會有啲魚唔小心跌落海,所以這地方往往都會釣到啲例如:東沙群島、西沙群島或南中國海的魚類。

就好似今天,細佬釣咗一陣就比佢釣到條「老虎斑」,之後又釣多條「烏絲斑」。心諗今日應該會釣到啲好魚比爸爸食,過咗一陣,我支魚竿有動靜呀!快快攪起條漁絲睇吓咩魚先!咦 … 仲感覺到條漁絲都有啲重量喎!應該都唔細喎!點知攪到上水面一睇,唔係呀!大雞泡魚一條,心諗!大檸樂啦!每次釣到雞泡果日都會好黑仔,點知係呢一刻嬋嬋比電話我,話屋企部電腦開唔到呀!吓 … 唔係真係咁靈呀!於是我同嬋嬋講等我返來睇吓咩問題喇!

跟住咪繼續釣囉!唉 … 眼見細佬一條又一條魚釣上來,又「連尖」又「假蘇眉」又有「石斑」,而我就一隻又一隻生蝦魚餌比魚吞食,唔知係咪今天是我的黑色星期天,屋企部電腦瓜咗,連魚都釣唔多條,最後成個下午都只係釣到兩條「石九公仔」,失敗。

以上全部魚都是細佬釣的有「老虎斑」,「假蘇眉」,「連尖」。而我唯一收穫就是圈圈的兩條魚!

返到屋企當然第一時間睇吓部電腦啦!我的電腦呀!為什麼你突然之間的壞掉呀!經檢查後發覺塊底板壞咗,冇辦法啦!只好明天買過塊新底板啦!換咗塊新底板後當然要重新安裝過 Windows XP啦!大家都知重新安裝過部電腦係一件幾麻煩的事,又要安裝番晒經常用的 Software,又要做 Update,攪咗成個星期今日部電腦終於都可以真真正正咁重生喇!

其實諗諗吓!如果而家你部電腦突然間開唔到,又或者上唔到網之類,你會點呢?會唔會好似我果晚咁,一早上床睡覺呢!不過果晚真係幾好訓,好耐都未試過十一點幾咁早睡覺,而且仲係一覺訓到第二朝添,不過而家部電腦好番晒,我想都幾難再有機會咁早上床睡覺囉。

0 comments on “黑色星期天

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: