情深強話

老朋友

一直以來大家係咪覺得我好少講我的朋友呢!
因為以前我識的所謂甚麼甚麼朋友,其實都只係那些所謂"酒肉"朋友,即係嗰啲有"著數"就搵你,但當你有事就連影都唔見到果隻!

所以係呢十幾年來,其實我係一個好少朋友的人,慶幸係這十幾年間我有一班好錫我的親戚朋友,佢哋就係經常陪伴著我的好舅仔、好表弟、好表妹同他們的女朋友或男朋友,佢哋嘅地位絕對拍得住我的女人"嬋嬋",所以我對他/她們的愛係無分彼此,因為佢哋真係對我好好,有些更是我傾訴心聲的對象,所以一直以嚟我很喜愛佢哋!更喜愛幫佢哋做嘢!只要在我能力范圍做到的事,我會用心用力做到最好。

咁當然仲有係喺 Mysinablog 呢個大家庭結識到嘅 “藍朋好友" 喇!如果冇您們的關懷、支持和鼓勵,我相信藍秋亦未必會活到今天,是您們帶給藍秋無限的幸福、希望和動力!

不過萬綠叢中始終會有一兩點紅嘅!而其中一點紅就是他!

他是我一位無見面好耐的老朋友,有幾耐呀!我諗都有好多年無見喇!不過都可以用手指都數得出嘅!雖然久不久都有通吓電話,可能係因為大家的生活圈子不同關係,係好難有機會約出來見面,而係近幾年間我知道他都經常去外地工作,所以亦更難相見!

其實我同他都是幾有朋友緣!可以話稱得上是兄弟手足情,可能因為大家都是漁民出身關係,亦是自小放棄學業跟隨爸爸出海做漁民,記憶中當年經常同他兩個人一齊四圍玩,一齊行街、一齊睇戲、一齊食飯、一齊唱K、一齊飲酒、一齊醉倒街頭等等……!到今時今日我都依然好記得那些少年回憶。

而當年我是一個極為怕羞的少年,唔喜歡講野,可以說是一個自閉仔!而他是一個好活躍的少年,交遊廣闊,是一個真真正正的年青人!佢喺我心目中係一個好有義氣的朋友,曾有次我出了事,他義無反顧地幫我,我好感激他!不過呢啲不快事都已成過去,我亦都唔想提!

其實當年好多人都解釋唔到「一杯清水點可以同一鑵可樂搆得埋」,其實到而家我都解釋唔到!

維一可以解釋的是人夾人緣!又或者是我一直所講嘅緣份,有緣能結識到他是我的榮幸,希望他下次從台灣工幹完回來時,可以有時間同他再次一齊飲茶食飯,敍吓舊啦!

曾經看過一篇文,內容是:「朋友是最珍貴的,假如世界上沒有朋友,即使你身處在陽光下,也會感到冷漠;即使你身在百花草叢中,也難以看到美好的風景。

是誰伴我渡過人生的喜怒哀樂?是誰與我亙相傾訴心事?是誰伴我一起成長?是誰為我的成功而歡呼?又是誰幫我從挫敗中振作起來?

朋友正是這樣,互相關懷、互相支持、互相鼓勵,為朋友而樂正是如此!

在此我希望我們能友情永固!更祝福你工作順利、身體健康,兩個活潑可愛的女兒快高長大!

0 comments on “老朋友

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: