齊哇哇釣魚會

暴雨下中釣魚

上個星期因一道"低壓槽"的影響下,令到本港同華南地區帶來數日不穩定的天氣,而咁啱得咁橋上星期日我哋呢班"齊哇哇釣魚會"成員,於兩星期前已經租咗船家約定咗去維港釣魚,雖然每次計劃去維港釣魚,心情都好興奮同期待!興奮的當然是又可以釣魚喇!而期待嘅就係今日會否有大魚上釣!可惜今日真是天公不造美囉!

早上一起床就立即到窗外睇吓個天先!唉…… !再上網睇吓天文台的天氣報告!唉!唉!黃色暴雨、雷暴警告、吹強勁偏東風、天陰、長時間落雨!於是即刻打過電話俾一個人先,睇吓佢意見!就憑佢這八字真言:「冇問題喎!落雨之嘛!」

因為係我哋"齊哇哇釣魚會"一直以來都有一句四字真言就是「風雨不改」!所以這些懷天氣的狀況,絕對影響唔到我哋去釣魚嘅決心!

去到西灣河食埋早餐買好晒嘢,係西灣河碼頭上船,上到船船家華姐同我哋講:「咁大雨係維港釣吓先啦!如果下午天氣好轉先出維港釣喇!」我心諗咁嘅天氣有得係維港釣已經滿足囉!都唔諗住下午天氣會有好轉,其實今日的天氣真係好差,一直都落住雨而且都幾涼吓,好在個個都有件雨衣著住,但可能隻手一直濕淋淋的關係,好難感覺到漁絲的魚訊,釣咗一陣,終於比我第一個釣到魚先,是一條「大地魚」即是大家熟悉「左口魚」,都有四五兩重架!之後大家都係釣到一些「石九公」、「牛鰍」、「竹簽」等等!不過啲「石九公」都幾大條,用嚟清蒸就啱晒。

到咗下午時分,可能係轉流水關係,船家華姐係果一陣間起到兩條「沙立」,都幾大條有成半斤重一條,而我都唔執輸都釣番條「沙立」,仲係最大果條「沙立」添,哈哈!真係開心史囉!

070522001

而「雜魚王」華少經過上次係維港釣到大紅魚之後,當每次話計劃去維港釣魚,都會私自買啲大隻生蝦去釣,可惜因為太大雨關係,用嚟養住佢啲生蝦的蝦袋入晒雨水,攪到啲蝦全部反晒肚,不過佢都依然係釣得最多條魚的人,果然係名副其實的「雜魚王」。

雖然今日天氣好差,機本上落足成日雨都未有停過,只係間中停吓幾分鐘,但總括嚟講今日的漁獲都算幾好,係咁嘅天氣環境底下都有大概五至六斤漁獲,如果今日天氣唔係落雨應該會好好多,因為落住咁大雨釣魚,始終都集中唔到精神釣魚,而且又濕又凍,希望下次再計劃去維港釣魚唔好又撞正咁嘅天氣啦!

0 comments on “暴雨下中釣魚

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: