情深強話

我倆的生日節目

真的好多年都未試過玩得咁放,好開心!好多謝您哋為我倆提早慶祝生日!

五月二十六日雖然距離真正的生日仲有五日,但係今晚所有開心快樂的的片段都會記憶係我難忘記憶中,我會時時刻刻都記起這晚的每一分每一秒,所有開心、溫馨、快樂的片段!

今年的生日有點特別,因為我想為她 (其實都可以話為自己) 搞一個開心、溫馨、熱鬧的生日聚會,對於別人來說可能是很容易的事,但對於我來說,自己搞生日聚會都是第一次,不知從可入手!想了好幾個節目,最終都決定選擇去卡啦OK慶祝,好在有她的幫忙,在這個幾星期內,她不停地幫我搵卡啦OK場地資料,搵齊晒各間卡啦OK的收費價錢作比較,我好感激她對我倆的心意,而她亦不時問我同嬋嬋會喜歡和想要什麼生日禮物,可能係人大咗的關係,人越大越無乜生日禮物想要,是但啦!其實只要大家玩得開心我便滿足!喵喵~多謝妳~ ^_^

今日我特意請咗一日假,仲夾埋佢哋唔比嬋嬋知我請假,等嬋嬋嚟到一入卡啦OK房給她一個小驚喜,當嬋嬋入到嚟見到我拎住支咪唱緊歌時,表情好驚訝!哈哈!成功咗!可惜這個小驚喜卻換來兩個字的回應!就是「XX」哈哈!係咩?唔講比您哋知!

講起嚟都真係好耐冇唱過卡啦OK啦!原來而家啲卡啦OK除咗唱K外仲有自助餐食添!今晚我哋叫咗個10人酒餐,包三支黑牌威士忌 (Black Label),十八杯飲品或啤酒,六個小食連自助餐,仲有靚靚生果盤同伴酒零食,咁當然唔會少得生日蛋糕同香檳啦!

其實之前都有聽過好多朋友贊過 CEO 的自助餐好食,而且食物款式又好鬼史多,中、西、日式、甜品樣樣都有齊,味道都算唔錯,如果又想唱歌又想食 Buffet ,呢間卡啦OK都係一個不錯的選擇。嗰晚真係玩得好放!就好像小朋友放暑假去遊樂場一樣!玩到忘晒形,上半場個個好像玩旋轉木馬咁,不停輪流轉咁去攞嘢食,每次見到有人攞到啲新款食物時,個個就問:咦!你係邊處攞架!頭先我見唔到有嘅!一陣我又要食呢個!嘩 …. 啊邊個!邊個!個手卷好好味呀!一陣我又食!就係咁!上半場個個不停係咁攞!係咁食!直至 Buffet 時段結束為止!

而下半場就好像玩過山車一樣,個個一杯又一杯 Black Label 溝綠茶倒落口,時間不須三秒,果種感覺真係好像坐過山車從高處直沖下來一樣,真係好耐都冇試過咁飲法!不過咁樣飲酒法始終對身體冇益,各位小朋友千萬唔好試呀!

吹完蠟燭,食埋件生日蛋糕再飲埋杯香檳後,唔知邊個有心人!點咗首歌比我同嬋嬋合唱,我好記得這首歌是我同嬋嬋拍拖時,好喜愛唱的一首歌,歌名是:「其實你心裡有沒有我」,好開心可以係呢個時刻同嬋嬋再唱這首歌,令我腦海不斷浮現出拍拖時的美麗回憶,至於唱成點就唔好講囉!

今晚真係好開心,能有一班知心好友同我倆慶祝生日!雖然今晚少咗昌昌兩公婆同細佬華少,因為佢哋有工作同唔得閒關係,只是這點有啲美中不足!在此我好多謝:明明、儀儀、小健、芝芝、一個人、大小姐、紫君、德仔、亞平、寶寶,更加多謝依唷仔同喵喵送給我倆的生日禮物,我好喜歡呀!多謝晒您們,我會記住呀!

070527007

0 comments on “我倆的生日節目

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: