情深強話

我倆的生日2007

五月三十一日,今日係我同嬋嬋一起度過的第十二個生日日子,雖然今日沒有色彩艷麗的鮮花,沒有深情浪漫的詩句,沒有貴重神秘的禮物,沒有興奮感動的驚喜,只有輕輕的一句祝福:嬋嬋希望妳每一個生日日子都幸福快樂!

五月三十一日的零辰十二點,我只係 Send 咗一個手機短訊息給嬋嬋,內容大致都係一些祝福語句,因為呢晚實在太忙,忙到我透不過氣,真係唔明白!每次當我第二日有節目的日子,前一晚總是都係好多野做,今晚又要趕工做禮品稿,又要出書版菲林,起碼要出三四大卷菲林,睇嚟都要天光先可以收工囉!做到五點幾個天都已經開始光,不過從窗框望出去看到烏雲密佈,而且仲開始落埋雨添,心諗唔係咁黑仔呀!今日我同嬋嬋生日喎!天呀!唔好玩我啦!我諗住今日下午等嬋嬋收工去海洋公園坐氣球架嘛!

收工返到屋企外面依然落住很大雨,於是只好乖乖哋上床睡覺睇吓訓醒會唔會唔落雨喇!訓醒啦!第一時間出窗外睇吓落完雨未!好開心呀!陽光普照、藍天白雲,真係天公造美,即刻拿拿淋去刷牙洗澡著靚靚去海洋公園等嬋嬋先!

去到海洋公園看見個氣球,嘩!好高呀!個氣球好高呀!快啲去排隊先!原來坐氣球身處高空的感覺係咁舒服,而呢種感覺又唔似坐吊車上山頂果種,係一種好自由的奇妙感覺,更想唔到身處氣球上從高空望下來時,嗰景觀係咁靚架!尤其是係咁陽光普照、藍天白雲的天氣下,享受那種清爽涼快的微風,放眼遠望,深水灣的海面連接著蔚藍的天空,好靚呀!

坐完氣球行到去精品店,看見啲遊客影的留念照好靚呀!於是乎就即刻同嬋嬋去影番張相留念,而且影完仲可以將張相片造成記念鎖匙扣,最後選擇咗張笑得最開心的相片做咗張嘉許狀同兩個鎖匙扣,雖然選擇這個記念品套裝要成 $140元,但我倆都認為好值得,每人一個愛心鎖匙扣,一起扣住我倆的心直到永遠!

臨走時見到條好威風凜凜的鯊魚向我倆揮手,咁難得當然要同佢影番張相喇!雖然今年同妳一起共度生日的時間只是這短短兩三小時,但我希望將來的生日日子可以陪伴妳更長時間,正如我係妳網誌所說:「藍天是我、彩雲是妳,願所有的快樂、所有的幸福、所有的溫馨、所有的好運永遠圍在妳身邊~」嬋嬋生日快樂~

0 comments on “我倆的生日2007

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: