BLOG TAG

超級電視迷大 Blog踢

各位藍朋好友您哋好嗎?唔知大家有冇發覺近期又有好多 Blog Tag遊戲出現呀!無論您去到邊個 Blog友仔度都好,都看見到佢哋踢人又或者被人踢,有些 Blog友仔更接二連三被人踢到周身 Blog痛。其實耐不耐玩玩 Blog Tag遊戲都幾開心架!一來可以增進 Blog友間的友情,二來亦可以憑這 Blog Tag遊戲更加了解 Blog友仔的內心世界。

以往我亦比好多 Blog友仔的 Blog Tag遊戲踢中,所以今次我來個先下手為強,用我哋每日都離不開的電視題材做一個 Blog Tag遊戲,都係唔講咁多開場白喇!

超級電視迷大 Blog踢開始啦~

遊戲玩法:
請回答以下二十條有關電視的問題,除答問題之餘亦可以寫下對該問題的解說!
而被點名人士除了要回答以下問題和別人的新加問題外,還要在最後出多一條新問題。
再踢五位 Blog友仔,順道去他們的 Blog留言,告訴 Blog友仔知已被踢中了。
PS:如果想踢多幾位都得架!但最少都踢一個 Blog友仔呀!(否則就斷尾架喇!)請多多支持。

問: 您最喜愛的電視劇集是那一套?
答:《烈火雄心II 》是一套製作好認真的電視劇,尤其是紀德同瑤瑤合唱果首歌,好好聽。

問: 您最喜愛的電視男藝員是那一位?
答: 張兆輝;唔知點解一直好鍾意看他演戲,尤其是他近年在電影飾演警察的角色,好入型入格,我認為他比任達華更適合演 PTU 一角。

問: 您最喜愛的電視女藝員是那一位?
答: 鄧萃雯;由她第一部演出的電視劇薛仁貴征西演到師奶兵團,由青春偶像派走到現時的亞姐級實力派,她的演技是有目共睹。

問: 您最喜愛的電視甘草藝員是那一位?
答: 當然是近期收視之冠《溏心風暴》嘅夏雨啦!老戲骨唔使多講,兩個字講晒:實力!

問: 您最喜愛的電視主題曲是那一首?
答:《雖可改變》因為天師執位、因為苗僑偉、因為翁美玲、定因為譚詠麟!

問: 您最喜愛的電視節目主持人是那一位?
答: 鄭丹瑞;由亞旦係電台做三個小神仙開始已經鍾意他,亦是我覺得佢係音樂節目勁歌金曲最佳主持人。

問: 您最喜愛的創意電視節目是那一套?
答:《美女廚房》形式上雖是抄日本的同類型節目,但真的很久沒看過這麼好笑的綜藝節目啦!吸引之處是所有參賽者是靚女明星,比起殘酷一叮的扮鬼扮馬的表演更加有吸引力,真的是一個極盡創意的電視節目,我亦是忠實擁躉之一。

問: 您最喜愛的電視拍檔是那一對?
答: 是《十五十六》的森美同小儀,希望係電視機再次看到佢哋拍檔做節目。

問: 您最喜愛的電視劇角色是那一個角色?
答:《大時代》的方展博;其實劉青雲也是我心目中喜歡演員,喜歡佢黑黑實實,傻頭傻腦的演出。而係大時代中我亦好羨慕方展博,有兩個咁為他的紅顏知己,慳妹及龍紀文,尤其是佢哋係台灣果幾段劇情最難忘,所以對這角色印象特別深刻。

問: 您最討厭的電視劇角色是那一個角色?
答: 我想都是《溏心風暴》關菊英飾演的細契,邊有一個女人咁奸咁冇人性架!為咗錢連親生仔都可以唔認,真係好討厭,亦都是最成功令人討厭的角色。

問: 您最喜愛的電視遊戲節目是那一個?
答:《超級無敵獎門人》因為可以比我哋呢啲受盡工作壓力的打工仔,開開心心係屋企大笑一場。

問: 您最喜愛的外語電視劇集是那一套?
答: 日劇《戀愛世紀》我第一次認識松隆子也是從戀愛世紀這一套日劇開始,第一眼看見她,就俾松隆子那張鄰家女孩的面孔深深吸引住,始終覺得她同木村拓哉是最合襯的螢幕情侶拍檔,相信這些就是觀眾緣。

問: 您最喜愛的外語電視劇角色是那一個角色?
答:《同一屋簷下》的柏木達也;當年很鍾意看這套日劇,劇中江口洋介飾演的柏木達也是一個很為家人著想的大哥哥,由於父母雙亡,達也便要負起父母的職責,達也常常要為弟弟妹妹的事四處頻撲,為柏木家勞心勞力,達也為了令弟弟妹妹有幸福的生活,達也不惜犧牲自己的幸福來換取弟弟妹妹的快樂,是一個百份百的好哥哥。

問: 您最喜愛的外語電視劇主題曲是那一首?
答: 是《同一屋簷下》的仙人掌之花;因為同一屋簷下。

問: 您覺得那一套電視劇集的劇情最令您難忘或最感人?
答:《烈火雄心II 》大結局果集,好記得飾演紀德嘅王喜死果一幕,由救唔到紀德果度開始到方中信步出火場交頂消防帽比張可頤時,已經眼濕濕!到最後當舅父仔看見瑤瑤對住窗外,哭泣等待爸爸果一刻,覺得瑤瑤好可憐!果刻真係喊!一個小小年紀的小女孩,可以演得咁好同咁真,真係好厲害!所以全套劇做得最好就係飾演瑤瑤呢個小妹妹。

問: 您認為最經典的電視劇口頭禪是那一句?
答: 當然係呢句啦!「飲啖茶、食個包」,唔知你記唔記得係那套電視劇,同埋係邊個講呢!

問: 您覺得那一位電視藝員最攪笑?
答: 我覺得盧海鵬是我心目中最攪笑的電視藝員,令人印象深刻的包括歡樂今宵趣劇的《蝦仔爹哋》裡的爹哋,同他扮鬼扮馬的技倆,他模仿羅文、徐小鳳亦維肖維妙,最正都是佢同廖偉雄組成的達成一塊,更是扮野界經典。

問: 您會為睇某個電視節目而一早坐定電視機旁邊收看?
答: 真的很久,好在仲記得是1984年度十大勁歌金曲頒獎典禮,因為想第一時間知道亞倫攞幾多個獎。當年十大勁歌頒獎典禮有四十首候選歌曲,而譚詠麟占據咗十首,簡直是前無古人、後無來者,也是譚詠麟呼風喚雨的年代正式開始。

問: 您曾有否試過或想過參加電視台的遊戲節目?
答: 有想過,仲有寄過參加表格添,係超級無敵獎門人,可惜一直未抽中過!

問: 您每日會花多少時間來睇電視?
答: 三至四個鐘掛!不過我睇電視的時段都冇咩好節目睇,因為都是零晨三四點。

藍秋問: 如果您有機會演出電視劇,您最想和那一位演員合作?
請回答:

 

搞掂晒!踢邊五位藍朋好友好呢?真頭痛!就踢踢以下五位啦!

一個不停守望著幸福,而又可愛親切的妹妹 ~ (小葵)

一位近日被考試帶來身心疲倦的法律新寵兒 ~ (雪晴)

一個我非常尊敬而又敢作敢言的部落好媽媽 ~ (靚媽靚靚)

一位無蟹不歡與世上的蟹結下不解緣的女性 ~ (Mocha)

咁難得有得踢人當然唔少得這位朋友大小姐 ~ (Simmy)

若以上的藍朋好友覺得忙或煩的話,可以不接踢架!( 但我當然唔想見到這情況啦!)
若您不介意的話,希望您接受我的踢踢!因為您已被踢中了!

0 comments on “超級電視迷大 Blog踢

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: