齊哇哇釣魚會

密密手爆釣連尖

二○○七年九月二十三日星期日 (一號熱帶氣旋戒備信號),密雲,間中有雨,氣溫介乎 23 至 26 度,吹清勁東至東北風。 雖然天氣報告話間中有兩或強風,但我哋呢三個齊哇哇釣魚會不怕史的傻仔都依然夠膽走去釣魚,點解?

因為我哋去釣魚的釣點是一個極安全而又舒適的地點,邊處?之唔係華少個主場囉!自從上幾次跟華少去過佢個秘點釣魚之後,感覺實在太正喇!而且我始終覺得呢度是一個漁獲保證的秘點,因為我哋有個秘密特攻長駐係度收集情報,而呢個就係華少。

而今次我亦叫埋我的釣魚戰友一個人去,依然是約定係老地方食埋個靚靚早餐一齊去釣魚,一去到緊係即刻攞魚具出來釣魚啦!

070924001

不過今次我哋冇即刻開竿釣魚,而係扯泥鯭籠先,因為華少買咗幾個泥鯭籠之前放咗落海度,點知一址上嚟!嘩!勁呀!唔使釣就已經有收穫,有八條「連尖」,開心史囉!攪到我依嗱嗱攞魚具出來釣魚,不過我今日無諗住玩手絲,因為近幾次去釣魚都愛上用筏竿,因為筏竿的竿頭靈敏度好高而且又輕巧,當有魚上釣時,就算是幾兩重的魚手感都好鬼正,如果遇著條斤鬆啲簡直過隱史你。

070924002

開竿不久就即刻有收穫啦!是「連尖」一條,係邊個?哈哈!我諗你哋一定估係華少啦!但今次唔係佢呀!係我呀!

070924003

不過華少同一個人都唔執輸,跟住齊齊都有「連尖」上釣,而且仲係密密手果隻,經過一輪瘋狂上魚的情況,我哋三個係短短呢個零鐘,起碼釣咗三十幾條「連尖」,完全沒有其他魚類上釣,唔通今日個海比「連尖」霸佔晒?真奇怪!

070924004

不過跟住終於都比我釣到條「黃斑」上嚟,而且華少亦都釣到條「什衣」,之後各人都是以釣「連尖」為主,但間中都有其他石斑仔釣到,例如:「芝麻斑」「泥斑」之類。

070924005

釣到下午三點鐘左右,已經發覺買來用作做魚餌的生蝦已經釣晒,真係好耐未試過咁早釣晒啲生蝦魚餌,既然冇生蝦魚餌,只好用華少之前淨落的蝦仁繼續釣,不過都已經好滿足囉!而且肚子亦都開始打鼓,為有收竿去食番個靚靚下午茶回家去也,係臨走時華少又再走去址泥鯭籠,哈哈!又多九條「連尖」搭一條「泥鯭毛」。

真係好耐都未試過今日釣到咁多魚,而且仲係密密手未有停過,亦因為咁,所以我哋諗住將今日的漁獲排晒出來,影番張咁值得開心的相,講真呀!真係唔知到幾時先可以有咁壯觀的漁獲架!

0 comments on “密密手爆釣連尖

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: