強說強話

我的中秋翌日假期之美味自助餐

一年一度嘅人月倆團圓的中秋佳節咁就過咗啦!唔知您有沒有同您的至愛度過這個溫馨浪漫的晚上呢?

雖然中秋夜我沒有陪嬋嬋賞月食月餅,但我就係中秋翌日假期陪咗嬋嬋行街街,之後仲去咗食自助餐,講真一句真係好耐都未食過自助餐啦!我諗都起碼超過兩三年未食過。其實本來上幾個星期諗住搵埋一個人同大小姐去食架!但果次因為訂唔到位,所以轉咗去食日本放題。

而今次去呢間灣仔維景酒店紫荊閣食自助餐,是因為一個人上次介紹過話有北海道松葉蟹腳食,所以就諗住同嬋嬋走去碰吓運氣,起初諗住係公眾假期可能未必會有位,但真係想不到竟然有位喎!早知道有位就叫埋一個人啦!

雖然灣仔呢間維景酒店唔算得上是出名的酒店,但餐廳環境同食物質素都不過不失,價錢亦都算是一般收費,二百元零蚊一位,但最低限度沒有覺得有搶食的情況出現,而且都覺得啲服務員的禮貌都算唔錯 ( 可能我的要求低 ,以上只是個人意見)。

雖然食物種類不算很多,亦是一般的自助餐食品,但起碼有我最喜愛食的生蠔、三文魚刺生、牛柳、天婦羅蝦同各式各樣的中日泰美食等等。

最「正」的就是北海道松葉蟹腳,而每隻蟹腳總算都幾大隻,而且食落口感覺好新鮮好鮮甜,食到我同嬋嬋飽到個肚子足足大咗兩吋,攪到返屋企時見到架巴士都走唔切去追巴士。

不過今日最豐收都唔係這餐美味的自助餐,而係我買了個新手提電話,好期待十月十四日的來臨,因為呢日是我由 2G 轉 3G 的大日子,到時就可以同各位用手機玩視像玩 MSN Messenger 啦!

0 comments on “我的中秋翌日假期之美味自助餐

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: