齊哇哇釣魚會

維港釣魚

十月二十八日 (星期日) 陰晴,吹清勁東至東北風,今日我哋又出咗去維港釣魚呀!

記得上年的十月二十九日亦是星期日,我哋搞咗個維港釣魚比賽,好可惜我哋「齊哇哇組」最終以總重量 5360kg,敗給總重量 5400kg的「家庭組」,而家講番起都覺得有啲失敗,點解會輸架!

不過釣魚就係咁,始終都是三份技術七份運氣,所以我哋每次去釣魚,無論收穫多與小都一樣咁開心,尤其是今日,我依然好享受釣魚中的過程。

但講真一句呀!我真係好喜歡釣魚,尤其是係維港釣魚真係好有快感,所以係幾星期前已經打電話比租開的船家華嫂,問她有冇期同近來有咩魚釣,而華嫂說近來維港好好景好多魚釣,例如「青斑」、「細鱗」、「紅魚」、「沙立」同「黃斑」等等。

不過要約華嫂船去維港釣魚真係唔容易,要預早成個月前預約先得,因為華嫂實在太多釣魚人士租佢船出海釣魚喇!但又聽見華嫂說咁好景,真係等唔到咁耐,所以今次就租了華嫂嘅行家星哥的船去維港釣魚,一出到維港釣咗一陣就已經有人有魚上釣,係邊個?當然是我啦!哈哈!「黃斑」一條!

071028001

其後各人都有魚上釣,有「沙立」、「黃斑」、「沙鑽」等等,而係各人忙著釣魚時,忽然船家星哥叫攞撈箕喎!聽見攞撈箕就一定是有番咁上下份量啦!於是叫一個人攞定撈箕走去幫星哥,起初星哥仲意為是「馬鮪」之類,因為條魚絲不繼左右兩邊走而且好大力,當條魚俾星哥扯到上水面撈起再看清楚,發覺唔係!但又唔識呢條係什麼魚,如果你知道的話可否說給我知嗎?

071028005

之後偉哥釣到條好特別的魚,漁民稱它為「角蘇文」,佢魚鰭兩邊有對翼好得意,好似隻水中蝴蝶。

不過每次釣魚仲係會發生一些好奇怪有趣的事,就是居然兩兄弟都起孖咁釣到雞泡魚,真攪笑!而係維港釣魚仲有另一種樂事,就是可以看見好多好特別的帆船同埋欣賞到日落的景色!

 

雖然今日我哋四個都冇大條魚釣到,但就釣到好多「石斑」、「沙立」同其他魚,計計埋埋都有七八斤,成個冰箱載滿晒,收穫都算相當滿意。

而最開心都是晚上將釣到的漁獲攞去大排檔食飯,今晚就攞咗幾條大條嘅「芝麻斑」同「沙立」去鴨脷洲大街食飯,其實每次同一個人去釣魚,都會說有大魚一定要去大排檔食飯,而且今晚嬋嬋又去咗睇小公主奕彤陪唔到我食飯,所以就只得我哋四個大男人去食飯,講起呢餐飯都算攪嘢囉!叫咗共五碟餸加炒麵同炒飯,居然碟碟來碟碟清,食到連生炒排骨嘅洋蔥菠蘿都唔放過食清晒。

而最令我驚奇都是偉哥,因為真係好少見佢飲咁多啤酒,可能今日實在太開心囉!連我都飲多咗少少,最後埋單計數,全日費用每人三百五十個大洋。

0 comments on “維港釣魚

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: