齊哇哇釣魚會

一剎那的驚喜換來兩秒的興奮

十二月二日 (星期日) 晴,吹和緩東風。今日的釣點又是鴨脷洲東博,不過小健其實好想去維港出海釣魚,但臨時臨急好難租到船出維港釣魚,不過其實如果要出都出到嘅!但係,如果租到啲唔熟排口的艇家,攪到冇魚釣之外,而且仲會嘥晒啲租船錢添!大家都知而家租艇出海釣魚都幾貴架嘛!

所以就諗住近近哋去鴨脷洲東博,話晒都是我哋去慣去熟的釣點,而且次次去都有唔錯的收穫,況且入冬後亦都是「石九公」起水的季節,就算冇其他大魚釣都起碼有啲「石九公」釣吓過吓手隱。

071203001

而今日最好手氣同最叻都係爆竿王(聰聰),佢釣到好多「石九公」,有啲仲係好大條添,而且仲俾佢釣到條大過手掌大嘅「石剎婆」,爆竿王果然勁呀!

至於我哋幾個就冇咁好手氣囉!都是釣埋啲「蔬蘿」仔、「石九公」仔同「哨牙妹」仔,華少佢仲攪笑,係咁俾啲「雞泡」同「泥鯭」食晒啲魚餌。

071203002

不過楓少都唔執輸,俾佢釣到條係街市買要過百幾蚊一斤的「斑馬蝶」。

而我今日又大失水準囉!只是一開始釣到幾條「哨牙妹」同「石九公」,之後就一直打龜,仲要係咁猛咁鈎石,攪到我不停地綁魚鈎同整魚絲。

釣到差不多臨走的一刻,忽然間手中的手竿有很大的魚訊,當我諗住拉起手竿的一剎那,「啪」一聲!輕晒!係果一剎那諗住意為可以大番身釣番條大魚,點估到條魚咁大力,居然連魚絲同竿頭繩都拉斷咁利害,連身旁的華少看見我俾條魚拉斷咗魚絲的情景,都睇到目瞪口呆。真可惜!可惜!

其實每次去釣魚最期待就是呢一剎那的驚喜,但可惜這次的驚喜卻換來兩秒的興奮。

0 comments on “一剎那的驚喜換來兩秒的興奮

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: