強說強話

我的快樂聖誕 2007

總覺得開心歡樂的時光過得特別快,話咁快今年的聖誕節咁就過咗去!雖然聖誕節剛過去,但溫馨的節日氣氛依然很濃厚,因為嚟緊還有代表著新的一年,新的開始的除夕夜及元旦日,大家又可以找個藉口繼續狂歡盡興。

係倒數迎接 2008 年之前,我相信大家今年一定是渡過咗一個既溫暖而甜蜜溫馨的聖誕節。至於我係呢個聖誕節最開心的,當然是可以同我的至親好友渡過啦!

二十四號平安夜,因為仍然要工作關係,所以今年沒有約我的至親好友去尖東睇燈飾,不過慶幸地可以早啲收工,於是乎早走一個鐘,可以早啲返屋企陪嬋嬋倒數迎接聖誕。今年平安夜除了陪嬋嬋之外,仲有小公主彤彤陪我們渡過平安夜添!因為呢個聖誕節彤彤都會留係我屋企,真開心!您哋睇吓彤彤成十一點幾都仲咁眼仔碌碌!幾可愛!

071228001

二十五號聖誕節,今天的第一個節目是去飲茶茶,係酒樓度我依然繼續攞住我部傻瓜相機同彤彤拍照,我開始發覺彤彤對鏡頭同相機快門聲好敏感,因為我只要用部相機對著彤彤時,彤彤總會好合作地擺出一些古靈精怪的樣子,等姑丈拍照,逗得我哋鬼史咁開心!

飲完茶就去買呢兩晚聖誕派對用嚟交換的聖誕禮物,價錢要限定係 $ 49 – $ 50 之內,真係傷透腦筋,行咗成個商場兜兜轉轉尋尋覓覓,揀選咗好耐終於揀咗一對毛毛拖鞋,同一套多啦A夢茶杯,買完聖誕禮物之後,再去街市買咗兩斤幾紅蟹,諗住今晚再炒味薑蔥炒蟹給大家食,到咗晚上聖誕派對開始啦!經大吃大渴一輪之後當然是玩吓遊戲啦!我哋玩咗 BINGO 啦!KILLER 啦!搖牙籤筒等等 … !玩完遊戲之後到咗最重要最開心的時間!就是抽獎交換的聖誕禮物。這份就是我今晚的聖誕禮物,係一個可以放啲相上去的音樂摩天輪,幾得意架!我諗住將彤彤最可愛最得意的相放上去架!

二十六號聖誕節翌日,今日上半日玩大昏迷,好耐未試過瞓得咁舒服,足足瞓咗十一個鐘,正!瞓醒開部 PSP踢番幾場 Winning Eleven,到晚上就去咗依唷仔屋企,參加由眾表弟表妹攪嘅聖誕派對!而參加今晚呢個聖誕派對的所有人士都要整一樣食物到場,本來我想整豉椒炒大聖子架!不過又怕攪到細姑姐個廚房,所以打消咗呢個念頭,最終我哋一家人整咗咖哩魚旦、栗米、鹵水雞翼尖、鹵水鳳爪同腸仔。您哋睇吓幾多嘢食幾乎成張檯都擺唔晒,至於我最欣賞的食物是聰聰整的炒飯,琼表妹的甜品同曲奇餅,真係好好味架!

開完大餐又到咗最開心的節目,咪又係抽獎交換聖誕禮物囉!呢份就係我今晚的聖誕禮物,係一盒軍曹摸型,好開心呀!抽獎之前幾驚抽到啲廚房清潔用品同一本雜誌呀!哈哈!至於嬋嬋仲幸運抽中現金獎,仲要係一條紅衫魚呀!

不過今年除咗以上的聖誕禮物令我開心之外,有一份聖誕禮物令我更加開心,就係曼聯以 4 比 0 大勝新特蘭,升上聯賽榜首,而且阿仙奴仲要失分俾樸茨茅夫,收到曼聯贏波升上聯賽榜首的喜訊,真係好開心,重之今年我的聖誕節又是一個開心快樂的聖誕。

0 comments on “我的快樂聖誕 2007

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: