齊哇哇釣魚會

老友鬼鬼吃喝玩樂一日遊

真的好多年都未試過過一個咁寒冷的農曆新年,由大年初一開始到年初六都依然這麼寒冷,不過雖然如此,但因為有您的陪伴,我感覺到很溫暖!

年初四的今天,終於等到今日喇,因為係我最鍾意釣魚活動。今天約咗一個人、大小姐、小健、芝芝同華少去西貢三星灣漁排釣魚,咁當然唔少得嬋嬋啦!

去到西貢三星灣漁排,一上漁排,嘩!果啲寒風吹埋塊面到果種感覺真係好激,講真一句!當時真的有點後悔嚟呢度玩,不過雖然係好鬼史凍,天氣報告話得八度左右,但可以同一班老友鬼鬼吃喝玩樂玩一日,再凍啲都值得!

其實係咁凍的氣溫低下去釣魚,我都知道是冇咩魚釣,因為咁凍啲魚會唔開口食魚餌,都預咗今日是白果收場。但出奇地只得我一個有魚釣到,雖然是幾條石斑仔,都總算有所交代,如果唔係新年第一砲去釣魚而又冇收穫咁真係大吉利是囉!

而係中場時間因為實在太凍的關係,大家都頂唔順咁凍,攪到係個漁排度跳跳扎扎玩遊戲同圍住個漁排跑步取暖。不過最佳的暖身方法都是喝一口熱呼呼的咖啡,和一碗熱烘烘的餐腸公仔麵。

080213001

到咗下午四點零鐘就返回西貢市中心搵嘢食,搵什麼嘢食?嚟到西貢就當然是搵海鮮食啦!亦因為係三年前嘅年初四我哋都係嚟西貢釣魚同食海鮮,當時試過一間 G輝酒家的海鮮套餐好好食同好低,所以今次我哋都去返呢間 G輝酒家,但係…… 不如睇吓啲圖片,之後我再俾食評啦!

新鮮活海膽,可能是送的關係,而且只是一隻海膽,一人一口食完先記得影相,所以得返隻碟,雖然是新鮮海膽,但感覺上比起一般壽司店食的海膽沒什麼分別!
椒鹽瀨尿蝦,都算合格,不過就唔夠乾身,好多油!
紅燒活海參,同我媽媽煮果啲差天拱地,咁當然是我媽媽整果啲好味過佢多多聲啦!
豉椒炒聖子,都是一般大排檔食的貨色!
豉椒炒蜆,亦都一樣,沒有太大驚喜!
芝士龍蝦伊麵底,就比想像中差,個汁唔夠芝士味好淡同食唔到龍蝦鮮味,伊麵亦都唔爽!
海膽炒飯,感覺同楊洲炒飯冇咩分別,食唔出有海膽味感覺!
清蒸海鮑魚,蒸得過火咗,睇落仲有啲好像蒸燶咗!
瑤柱粉絲蒸,又係蒸得過咗火!
清蒸海石斑,又係蒸得過晒火!
秘製海龍皇湯,好像滾水沖所有材料,睇落幾好味,但飲落又覺得淡而無味!
西米紅豆沙,連西米都未煮熟,所以冇食過!

總括嚟講我比五十九分,因為佢係值咁多分!

0 comments on “老友鬼鬼吃喝玩樂一日遊

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: