齊哇哇釣魚會

再次去南丫島漁民文化村

七月二十三日 (晴) 悠長假期的第二十三天。今天我又去咗南丫島漁民文化村釣魚呀!真的想不到一個月之內,竟然第三次再來到這裡釣魚,可想而知我對釣魚的熱愛程度,和對這個地方的滿意程度有幾高。

係七月二十日的星期天,我和細佬華少兩個人第二次來這裡釣魚,這日天氣雖然都幾熱下,但有得可以釣魚,就算熱到濕晒身都是值得。而這天可能是星期日公眾假期關係,下午時段有很多團體來參觀,霎時間整個南丫島漁民文化村漁排,充滿著熱鬧和歡笑聲。因為當漁排的員工表演用小魚餌來餵給漁排內的大魚時,無論是大人或者是小朋友,當看見一條一條幾斤十斤,甚至幾十斤以上的大魚追食小魚餌時,個個人都感到非常興奮,有些更嘩嘩大叫。

不過講到熱鬧歡笑聲最強烈的,始終都是在「無鈎釣魚」區內。因為這裡真的能夠帶給每一個參觀漁民文化村的客人震撼的感覺。所以連我上次玩過了這玩意之後,都忍不住和細佬一起玩番兩手,有興趣可以 Click入以下 http://hk.youtube.com/watch?v=i0bEnZE-K-I 呢條 Link睇睇。

雖然在這裡釣的魚是沒有租船出海釣得那麼多和大條,但當有魚上釣的時候,果種滿足和興奮心情,始終是釣魚人士才能感受得到。

所以係早兩日,七月二十三日的星期三,適逢我的釣魚好拍檔聰聰放假,於是又同聰聰再去過這裡享受釣魚樂。不過今次比上兩次更令我開心同興奮,因為今次的收穫更豐富。可能今日咁啱一去到漁民文化村漁排撞正流水好的關係,釣咗一陣間我同聰聰就有魚上釣。

而最令我興奮的是,有兩次竟然比我打孖兩條「石蚌」一齊釣到上嚟添!哈哈!

而且除咗釣到「石蚌」仲有「石狗公」、「沙立」、「芝麻斑」、「烏絲斑」、「細鱗」魚釣添!不過釣到點零鐘咁上下可能是流水轉咗關係,又或者是天氣太過熱關係,啲魚已經開始唔係咁肯開口食魚餌囉!咁又難怪啲魚唔食魚餌既,果日都成三十幾度咁熱,而且個太陽好似個火爐咁曬到個海啲水都熱晒,莫講話魚啦!就算是人係咁熱的天氣環境低下,都唔係咁肯食野啦!況且釣咗咁耐都係時間休息一下,食個午餐啦!而呢碗餐肉雞翼麵就係今日既午餐喇!

13657-1501165

食完個賣相咁靚既餐肉雞翼麵午餐之後,當然是繼續釣啦!雖然就真係差過先前好多,但都會耐不耐釣到一條半條既。不過世事始終無絕對既,只要用心繼續釣一定會有魚上釣,您哋睇下又比我再一次一箭雙鵰啦!上面果條是「哨牙妹」,而下面果條係「黃斑」,雖然兩條魚的比例真的相差得很遠,但這兩種魚都是好好食架!而且蒸出來的魚肉都好滑添!所以我諗住今晚蒸呢條「黃斑」仔比彤彤食,因為姑丈知道彤彤好鍾意食魚肉,呢條「黃斑」一定啱晒彤彤。
13657-1501164

雖然今日的天氣真係好鬼史熱,不過可以釣到咁多魚都是值得既!

而係臨走前當然是要去玩埋《南丫島漁民文化村》全日入場票增送的免費玩一次「無釣魚」啦!而咁啱今日又有一班應該是小學生的團體來遊覽,看見啲小朋友玩「無釣魚」個個都玩得好開心,有啲小朋友重勁過啲大人,揸住支魚竿同條大魚角力,真係好鬼得意。唔知有沒有小朋友可以釣到條大魚上嚟呢?

 

0 comments on “再次去南丫島漁民文化村

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: