情深強話

長洲生日聚會

八月九日 (晴) 悠長假期的最後兩日。不經不覺間已經放了這麼長的假期,再過埋這兩天假期之後,星期一我要重新投入新的工作環境,希望這個悠長假期沒有令到我的工作熱情減退。

而這天星期六的下午,我陪伴嬋嬋一起搭船落長洲,目的是為嬋嬋的好朋友慶祝生日。

落到長洲首先是搵個地方和嬋嬋食個午飯先,而嬋嬋就帶咗去這間印象中好像是叫"英皇茶餐廳",品嚐她一直想推薦給我的特色消暑飲品"凍檸橙"。這杯飲品係用新鮮橙汁,再加幾片橙片和檸檬片攪埋來飲,喝一口清涼解渴,而且橙和檸檬又夠哂維他命C,是一杯很有健康價值的飲品,在這個炎炎的夏日裡飲這杯"凍檸橙"真的非常消暑解渴。

仲叫咗一碟好耐都未食過的"叉燒煎蛋飯"同"什會炒河", 不過總係有點唔明白,一碟"叉燒煎蛋飯"有什麼吸引,而且價錢亦不是便宜,為何這麼多人喜歡食它。

13657-1532886

食完午飯後我和嬋嬋便分道揚鑣找節目,我就走去附近的岸邊釣吓魚先,而嬋嬋就搵壽星女去行街街。哈哈!我諗大家一定會說:「你又去釣魚呀!」係呀!無論我去邊處玩都好,只要那處地方有海邊我都會帶定釣魚用具去架!可想而知我是一個非常極度瘋癲的釣魚狂啦!可惜今日釣到的全是魚毛仔,而且又鬼史咁熱。不過好在係我釣魚的碼頭附近有間七仔,而最攪笑係我竟然來回走了幾轉買嘢飲解熱解渴,除咗一大支蒸餾水同汽水之外,仲飲咗兩大杯思樂冰,攪到自己成肚水而又解唔到熱,真係攪笑!

到咗日落時分,就和嬋嬋、小新與壽星女一起走去東灣沙灘吹下海風影下相。可能今天是假日前星期六的關係,整個長洲東灣沙灘有很多人遊水解暑,可惜我哋沒有帶泳衣,如果唔係真係想落水浸吓,不過雖然我哋落唔到水,但可以係沙灘望下海吹下海風都幾舒服。

到咗晚上就去咗碼頭附近的海鮮酒家食飯,坐在露天的位置食海鮮同壽星女慶祝生日。雖然食得很飽很飽,但話明是同壽星女慶祝生日,咁當然是唔少得齊齊食生日蛋糕啦!一於唔好比佢停食埋個生日蛋糕先!

13657-1532884

大家咪以為食埋個生日蛋糕就完喎,仲有最精彩既節目呀!就係坐船仔出海玩釣魚呀!因為壽星女的老公仔搵到隻船仔比我哋玩,於是我哋五個人就慶高采烈地出海玩釣魚。

雖然隻船仔唔係有"摩打"推動的那種,而係要用人手"搖橹"推動的"舢舨",但好在我仲曉得怎樣"搖橹",雖然都只是在岸邊附近作釣,而且又冇魚釣到。但可以享受到這得意出海的樂趣,我哋幾個都好開心,不過我諗最開心都是我,因為真的沒想到今晚可以比我重溫番童年時"搖艇仔"的感覺,小麗老公謝謝你呀!

在此我再一次祝小麗妳生日快樂、身體健康、永遠幸福快樂~

0 comments on “長洲生日聚會

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: