同您分享

溫馨的對話

有一天因為藍媽媽唔舒服,所以就由藍爸爸去藍豬豬的學校接佢放學,當藍豬豬看見藍爸爸時,藍豬豬就很開心地走向藍爸爸度,之後就說。

藍豬豬:「咦… 點解今日你嚟接我放學嘅!媽媽呢?」

藍爸爸:「傻豬豬,因為媽媽唔舒服要留係屋企休息嘛!」

藍豬豬:「哦!原來媽媽唔舒服呀!咁我哋快啲返屋企陪媽媽囉!」

之後兩父子就急不及待乘坐巴士回家,而係回家途中,他們的對話為這短短的車程帶來了無限的溫暖。

藍豬豬:「爸爸、爸爸你幾時出糧呀?」

藍爸爸:「出糧?月尾囉!你又想要爸爸買玩具比你玩呢!」

藍豬豬:「嘻嘻!咁爸爸你每個月人工有幾多錢呀? 」

藍爸爸:「萬五蚊度囉!」

藍豬豬驚訝地瞪大眼睛:「嘩… 萬五蚊?咁多?爸爸你好叻呀!」

藍爸爸摸摸藍豬豬的頭:「傻豬豬!」

藍豬豬:「爸爸呀!如果我有咁多錢,我會擺一萬蚊放係銀行,每個月只係用五千蚊。」

藍爸爸笑得合不攏咀,心裡面覺得兒子真的可愛得要命。心想,小孩子永遠不知道一個家的開支要有多大。 」

藍豬豬:「爸爸,如果將來我大個出來做野搵到兩萬蚊,我每個月會比一萬蚊你同媽媽。 」

藍爸爸極慈愛的望著兒子不停笑:「嘩,一萬蚊咁多? 」

藍豬豬一本正經地說:「係呀!咁你同媽媽幫我係麥噹噹攪生日會、又買八達通比我搭車用、仲買衫比我著,全部都係錢嘛。而且媽媽唔舒服要睇醫生,都要好多錢錢架!爸爸呀!不如我哋係前面個站落車買餸返屋企煮飯比媽媽食,唔好落街或叫外買囉!雖然爸爸煮的餸有一點點難食,不過可以慳啲錢嘛。」

藍爸爸:「正一傻豬豬……」

世間上為人父母,有一個這樣乖巧可愛的兒子確是多快樂多滿足。

0 comments on “溫馨的對話

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: