齊哇哇釣魚會

不過不失的一天

十一月二十五日 (星期二) 晴,吹和緩北至東北風 3至 4級,今天同一個人去咗釣魚。

地點是海怡,因為近來海怡有好多𩶘魚釣,所以我都唔執輸相約埋一個人去釣埋一份。

而且喺海怡釣魚又真幾舒服,我最鍾意行去對住田灣果邊釣,因為果度有幾座大廈可以遮擋太陽,唔怕比太陽曬,絕對是一個安安靜靜享受釣魚的最佳位置。

講開釣𩶘魚,我覺得初秋至冬季都是釣絲𩶘、黃腳𩶘的好時機,尤其是秋季中就最適合。因為這段時候這兩種𩶘魚多數已經成長到成熟期,細極都起碼有手掌咁大魚,咁當然釣到過斤重就最開心啦!

而這兩種𩶘魚,都算是屬於群體性活動魚類,通常在沙石底覓食,間中亦會游近礁石邊覓食,但佢哋嘅警覺性很高,而且對水温及流水亦都好敏感,尤其是黃腳𩶘,被譽為𩶘魚中較難釣的一種。佢會含住你的魚餌慢慢往後拉幾下後才覓食你的魚餌,所以都幾考你的釣魚功夫。而且亦很遍食,最喜愛食蟲及生蝦,所有很多釣魚人士都喜歡釣𩶘魚,因為可以與牠鬥智鬥力。

唔知係咪早幾日天氣突然間凍一凍關係,水溫未回暖,所以啲魚都唔係幾開口食餌,不過今日的收穫總算是不過不失,有絲𩶘三條、火點一條、石蘇一條及泥鯭仔一條。

0 comments on “不過不失的一天

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: