強說強話

返學的第一天

數數手指,原來已經有二十二年未踏足過校園生活,雖然這次不是什麼真正的校園生活,只是我職業上進修的一個小課程。但唔知點解今天非常緊張,明明是九點鐘上堂,竟然未夠八點已經去到進修中心,攪到自己在寒冷的氣溫低下傻更更咁等時間過,而家想起都幾攪笑!

入到課室坐低等齊人後,亞 SIR在就叫各個學員自我介紹自己,係我介紹自己時,唔知係咪我既緊張表情在臉上顯現晒出來關係,亞 SIR一見到我就說:「哥哥仔,唔使咁緊張,放鬆啲!慢慢講,而家當你自己係細個時返學的心情就得架啦!唔使太緊張!」話時話我真係好緊張囉!因為真的未試過咁樣介紹自己,睇嚟我的怕羞缺點又再一次發作起來了。

之後亞 SIR又各人派一張紙,紙上有二十四格,每格都有留空的姓名和職業兩樣,要各學員再一次互相認識了解對方及寫低對方的姓名和職業,睇下邊個最快寫滿交比亞 SIR,因為亞 SIR話用這個方式會更快讓各學員認識對方。這下真的死得囉!其實你哋咪睇我係Blog度成日四圍去遊Blog,講好多嘢就諗住我好大膽好識溝通呀!其實我是一個很怕羞的人,如果要面對面對話的話,我可能是一個啞巴囉!

幾經辛苦下,終於都認識及寫齊晒二十三個學員的姓名和職業。雖然我唔係最快果個,但好彩亦都唔係最後果個。不過跟住亞 SIR嚟過仲激的玩意,就是要各學員好像玩獎門人超級無敵唱歌仔咁,要學員一個接一個咁順序讀出學員個名。雖然個個都讀到甩甩口,但這方法真的很有效,就係咁係短短一個上午時間,所有學員幾乎已經全部記得對方個名,亞 SIR這招真厲害,就係咁輕輕鬆鬆又到放食午飯時間。

說到食午飯,我想我真的很久很久未試過食咁平的午飯,因為亞 SIR介紹我哋,如果唔想食三十幾蚊咁貴既飯,就不如去城市大學既飯堂食,因為果度既飯很平十零蚊就有一個,所以今日好多學員都去咗城市大學飯堂食午飯,當然包括我啦!不過亞 SIR好似話因為城大啲學生近來考試,所以飯堂沒有太多學生食飯,所以先可以入去食,而我就叫咗碟雞飯埋單十五個半,都算不過不失架!

食完午飯後繼續上埋下午堂課,回到課室,亞 SIR話基本上今日唔會正式教書,只是用一個迎新的形式上課,讓學員互相快速認識對方。及將來的十九天課程的上課地點、時間與及講解一些保安的簡單基本知識和基本守則,所以今日第一天返學就咁渡過了。

0 comments on “返學的第一天

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: