齊哇哇釣魚會

水溫低有冇魚釣

十二月七日 (星期日) 陰,吹北至東北風 4至 5級,氣溫攝氏 13 – 18度,海水溫度攝氏 21度左右。係這些十零度氣溫同海水溫度低的情況低下,究竟仲會唔會有魚釣呢?

今日的天氣確實是幾凍下,係張床上面同張被捲到好似豬腸粉咁,暖到真係唔想起身。

今日約咗細佬去一齊釣魚,因為細佬問朋友借咗隻船尾機快艇仔,但今日的天氣確是幾大風,而且又凍,如果駛出大海釣都會幾危險,所以都係留係香港仔避風塘內作釣算了吧。

可能呢兩三日天氣又突然間急轉寒冷關係,令到啲海水溫度都相應降低,攪到啲魚食慾減低都唔多開口食餌。所以今日都無咩魚釣到,不過好彩耐不耐都釣到一條半條魚上嚟,所以未至於空手而回。

其實大部份魚類因生理關係,係冬天水溫低的情況低下,食慾都會減低及幾乎靜止活動,而有部份魚類更會游向海底較深處避寒,因為海水深處的水溫是較暖的。仲有一點要值得留意,是因為魚類屬於涼血動物,係低水溫狀態進食時,因消化系統緩慢而不易感到飢餓,所以每當天氣凍或水溫較低時,去釣魚時多數會很難有魚上釣,正因為魚的食慾減低才導致釣魚時是非常疏口。

所以各位如果係天氣凍的時候去釣魚,呢個問題都幾重要架,會直接影響到釣魚者的收獲。不過始終世事係無絕對既,釣魚亦都需要幸運之神眷顧,再配合埋釣魚者的心得和知識,都未必冇收穫。

0 comments on “水溫低有冇魚釣

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: