強說強話

遊長洲、賞櫻花、嚐美食

近日來在網上經常看見人家說,話長洲關公忠義亭有櫻花睇,而且亦說開得好靚好燦爛。所以趁昨天星期六與朋友落長洲為細佬補祝生日時,順道去長洲關公忠義亭遊一遊,賞一賞櫻花。

這天中午時份,我便一個人獨自坐船去長洲。可能你哋見到我咁講,會問我,點解一個人去長洲先既?其實因為壽星仔和朋友們都要上班,要到了黃昏時候,先可以搭船去長洲。而熟識我的 Blog友仔更會問,咁嬋嬋呢?點解嬋嬋唔陪伴埋你一起去長洲既?咁我當然是想嬋嬋陪伴我一起去長洲啦!只可惜嬋嬋有點唔舒服,所以就沒有同我一起去長洲。

講番櫻花,我一生人從來沒看過,以往都是聽人家說,只有去日本才可以看到最美艷最盛放的櫻花,更說看櫻花的季節只在初春的日子看到。而且櫻花盛放的時間亦很短暫,只開七天,所以會很容易錯過看櫻花盛放的花期。

所以日本人看櫻花會用追櫻這個形式看櫻花,因為看盛放的櫻花除了分季節性之外,仲有地區之分。由二月係沖繩開始,到三月京都、大阪,四月是東京、長野,之後五月北海道。我想可能是櫻花的品種有很多,況且不同的品種亦會有不同的開花期,所以日本人為了看盡最美艷最盛放的櫻花,才用追櫻這個形式來看櫻花。

這天第一次親眼看到櫻花,感覺沒有預期中的驚喜,可能是這裡只有三兩棵櫻花樹,而且比想像中較為細小,所以感覺不到櫻花盛放帶來的幸福感覺。不過可以係長洲這裡,一睹一生人從沒看過的櫻花,也算是一種福氣。

看完櫻花之後便去了租單車踩,一個人踩著架單車沿著長洲西提路來來回回踩了幾轉,看見有人係提邊釣魚,便停下來看下人家釣魚。而係踩單車途中路經的公園仔,看見種植了很多很美麗的花朵,雖然我不太清楚這些花朵的名稱,但覺得這些花朵開得很燦爛,色彩亦非常鮮明,沿途在花叢中更看見一隻蜜蜂在吸食花蜜,回想起那刻的畫面,真的很有春天氣息。

 

不過,原來獨個兒踩著單車周圍踩,的確很悶同很累,可能是因為一個人不停地踩關係。但好在,在沿途有些風景、樹和花觀賞下,不經不覺間踩了兩三個鐘終於等到壽星仔和朋友們來到長洲。

不過時間亦已經不早了,於是便馬上去街市買齊今晚燒嘢食的食物去燒嘢食,今晚話明同細佬補祝生日,當然是由他喜歡食咩買咩啦,咁當然魚、大蝦、貝殼類海鮮就一定唔少得架喇。

買好晒所有野,便馬上去上次大興堤路的士多店租燒烤爐燒嘢食。嘩… 原來星期六晚咁多人係度租爐燒嘢食喎,我諗如果再遲幾個字來,真係連爐都冇得租呀!

講番今晚燒的嘢食,大部份時間都是燒香草羊鞍同埋海鮮食物,尤其是香草羊鞍,是必然首選的。就是因為為了食佢,之所以我哋特登來長洲燒嘢食,如果唔係點會三長水遠淨係來長洲燒嘢食咁傻喎。所以今次又係個個第一轉全部燒羊鞍,所以話,六個人買四十件香草羊鞍嚟燒,真係一點都唔誇張,因為一轉已經去咗十二件。

至於今次既海鮮,我地又試新嘢,買咗幾乎有成呎長既生猛大花竹蝦,象拔蚌仔同貴妃蚌,咁當然烏頭魚就一定唔少得架喇。

燒大花竹蝦就肯定唔使多講,是最美味最鮮甜架喇,但最令我驚喜是燒象拔蚌仔同貴妃蚌囉,不過要多得海鮮檔老闆介紹我哋,係賣燒烤食品檔買果啲新鮮即磨蒜容,原來將啲新鮮即磨蒜容,加埋牛油放落象拔蚌仔同貴妃蚌度,之後用鍚紙包好,放落燒烤爐燒三幾分鐘,原來是咁好味喎!

至於雞翼、豬扒、牛扒既燒烤三寶竟然全面變晒配角,我仲差點幾乎唔覺得佢地既存在,都幾攪笑,睇來下次燒嘢食,我諗燒烤三寶淨係買雞翼便算囉!

0 comments on “遊長洲、賞櫻花、嚐美食

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: