強者手作

不織布草莓蛋糕

早幾日咪同大家講過,我同嬋嬋近來的新玩意是學人整不織布公仔既,起初我都諗住自己都是三分鐘熱度玩吓咁,估唔到我竟然可以咁專心咁繼續玩落去。

早兩日嬋嬋放工行街時,見到有一套六盒蛋糕款式的不織布公仔,於是便買了返屋企。單係睇盒面上的圖片已經覺得好靚,而呢套蛋糕款式的不織布公仔,雖然都各有特色及難度。但為了考驗自己的耐性、心思和手工,於是我倆又忙於整不織布蛋糕。

13657-1901044

原來整不織布公仔真係要好專心好專心咁整,一定唔可以坐係電腦旁邊整,因為坐係電腦旁一定會分心咁簡唔中上上網,又或者見到朋友係 MSN上線時,會好不自覺地同朋友傾 MSN。不單只唔可以坐係電腦旁邊,最好連電視都唔好開,尤其是我呢啲電視精,開住部電視就一定會睇。最好就係開著啲音樂或者歌曲來聽住整就最好。

今晚我就好專心咁聽住歌來整不織布蛋糕,大家睇下我整呢粒士多啤梨似唔似,仲有蛋糕面上的擺設係咪好靚呢!

不過講真,整呢啲不織布公仔真係好花時間同心機,咪以為揸住支針線係啲布度穿下穿下咁簡單呀!其實真係好考功夫架,每一針每一線都要思考過啲位啱唔啱先可以縫落去,仲要小心俾支針拮親,我就俾支針拮了幾下,都幾痛呀,但當見到自己縫製的完成品在眼前,就算拮多幾下都值得既。
以下呢兩款不織布草莓蛋糕,就係我同嬋嬋分別各自整一款,不如考一考大家眼光,估下邊個係我整同邊個係嬋嬋整呀!

0 comments on “不織布草莓蛋糕

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: