齊哇哇釣魚會

南丫島爆釣䱛魚

不管什麼冷鋒橫過廣東沿岸地區,什麼陰雲有雨,什麼雷暴警告,什麼強勁季候風吹襲,都影響不到"齊哇哇釣魚會"呢三個主幹要員去釣魚的熱誠。

不過,雖然係"齊哇哇釣魚會"會規入面,有一句四字真言就是「風雨不改」。但係,我哋都會為著人生安全起見,會因應天氣的惡劣程度而衡量應不應該繼續去釣魚,始終安全第一先至會玩得開心嘛。

雖然昨晚天文台已經預報今天的天氣的狀況是很懷,會有大雨及雷暴,甚至離岸風勢強勁。但今朝早我哋三個食完早餐之後,覺得這天氣的狀況都不是很懷,仍可以接受去出海釣魚,況且釣點都是南丫島附近一帶水域,於是便繼續去買齊所有嘢去碼頭坐船出海釣魚。由香港仔碼頭上船出海,駛到去南丫島北角村對開水域,海面上的風勢都不是很強烈,亦看不見有白頭浪出現,只係陰陰天亦無雨落。只是間唔中有些大火船經過河道,整體上海面狀況都是適合釣魚。

既然海面狀況適合釣魚,當然急不及待馬上釣魚啦,釣左一陣已經開始有魚上釣,跟隨各人都相繼釣到魚,雖然大部份漁獲都是䱛魚,但勝在密密手有得上,有大亦有細,非常之有手感,而耐不耐亦會釣到條不錯的魚獲,例如石斑、石九公、黃腳𩶘之類。
不過最攪笑都係細佬,佢有一手感覺有魚食餌仲幾大的魚訊,見佢扯兩三手漁絲就叫攞撈箕!點知一上水見到條魚,佢即刻冇晒癮,原來是大雞泡一條,我仲諗住佢可以威威釣番條勁嘢上來,真係比佢笑死。

話時話自從上年六月果次《爆釣南丫島》釣到成四十斤大沙𩶘之後,都有成大半年未試過咁好收穫。估計今次出海的漁獲有十幾廿斤度啦,今次有咁理想的漁獲,都算過足晒癮。

0 comments on “南丫島爆釣䱛魚

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: