強說強話

南丫風采遊

難得一班老友記係復活節日子星期日放假,當然要攪攪節目去開心吓啦,而今次我哋出發去遊玩的地點是南丫島。不過今次唔係去南丫島釣魚,又唔係去燒嘢食,亦都唔係去食海鮮,而係去睇大風車。

講起南丫島這個大風車,其實我一直都想去觀賞一下,因為每次係海怡釣魚時,望向南丫島那邊,以及坐船出海係東博寮海峽與及西博寮海峽海中心釣魚時,遙望這座巨型的白色大風車,在山嶺上迎風中轉動,緩緩地一轉又一轉的循環轉動,使人不禁想起它是一座生命中的巨輪,擁有無窮無盡的大自然的力量,令人不得不贊嘆大自然帶來的無窮偉力。

這天一早吃過早餐之後,一行十人再加一個小公主,浩浩蕩蕩在香港仔海濱公園既碼頭搭船去南丫島榕樹灣進發。雖然這天的天氣比較陰暗,望上天空,只見到厚厚的雲層,沒有半點太陽光的出現。但這天榕樹灣的人流,簡直就好像是假日中的香港鬧市一樣,到處都是人群,無論是大街小巷甚至餐廳食店,都看見一條又一條的人龍。睇來如果真的想遠離鬧市的緊迫感覺,享受一吓大自然的氣息,悠悠閑閑地遊玩一吓,睇來都是揀選平日去先可以囉!

一落船我哋就由榕樹灣大街,再途經家樂徑,一路行上山區,行到三份一路程左右。見有一條好長的人龍,再行近啲睇清楚,原來是南丫島最出名的「建興亞婆豆腐花」,本來想坐下來吃一吃豆腐花先再行過,但看見這條人龍真的很長很長,所以唯有繼續向山上進發先,睇完大風車落山時先再來慢慢品嚐。

沿著山丘一路進發,一路觀賞路邊的風景一路行。其實講真一句,這條山路徑不是有太多的風景可以觀賞,只是一般普通的山路,途經亦沒有令人看得賞心悅目的花草樹木,只是偶爾間看到一點點小花朵,這點真的反而有點點失望。

雖然沿路沒有太多的悅目花草樹木觀賞,但好在我哋係街邊的小攤檔買了一些肥皂泡來玩,一路吹著肥皂泡一路影吓相一路行。終於都到達路程既終站「港燈南丫風采發電站」,雖然這大風車好像是一把風扇仔,但因為勝在有一種鶴立雞群的感覺,令到這片山丘以往不是咁多人到的地方,成為了南丫島另一個矚目的觀光景點。

我哋一來到看見個大風車,簡直就好像小朋友去到遊樂場玩一樣,之前行了成個鐘頭的累氣完全冇晒,尤其是彤彤,看見我哋吹肥皂泡,覺得好得意,時不時走來拍拍啲肥皂泡。而我哋當然四周圍搵地方影相,只可惜今日的天色不是太好,影出來的相都要借助閃光燈來拍攝,沒有了自然光的感覺。

睇完大風車,沿路行返落山,咁當然要返去品嘗一下很多人都贊不絕口既「建興亞婆豆腐花」啦,來到時人龍依然仲係好長,雖然花了半小時先排隊,但咁難得來到點都要試一試。

我除了食豆腐花之外,仲要多一杯凍豆漿。一食落口果然冇介紹錯,好滑同又好有豆香,好好味,溝埋啲糖水一起吃都不算太甜,吃落口仲有少少薑汁味。如果我建議就唔需要再多加黃糖進食,因為啲糖水已經夠晒味,再加可能食到底部時覺得太甜而失去本身豆腐花的味道。而杯凍豆漿亦都不錯,好濃好香豆味。這處比起好多地方標榜著乜乜山水豆腐花,簡直冇得比。而且價錢亦只是七元一碗,非常很低吃,如果唔使排隊再買,一定會食多碗。但有點唔明白,獨市生意都可以咁經濟實惠,真難得難得。

0 comments on “南丫風采遊

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: