齊哇哇釣魚會

魅力依然的火爆島

九月十三日 (星期日) 晴,吹微風加煙霞再加埋酷熱天氣警告。係咁既天氣環境情況低下,呢三個齊哇哇釣魚會要員竟然走去荒島度釣魚,究竟佢地係傻定係想向高難道挑戰呢?

其實我三個,當然唔想次次都係咁既天氣環境情況低下去釣魚啦!但又真係唔知點解,十次有八次都是大風大雨出海,一係就是好似今次咁,熱到飛起去釣魚,有時真係覺得都幾無癮。

不過講到無癮,我諗點都唔及得聰聰咁無癮,因為今次佢又再一次證明比大家睇,佢真係實至名歸的"爆竿王",因為佢一開竿,只是釣到一條石斑仔之後,佢支魚竿又斷咗。好在佢今次支魚竿斷的位置又斷得幾啱位,都可以繼續用嚟繼續釣魚,只是短咗三份一,如果唔係,佢真係可能要 Call 船來接番佢埋岸買魚竿。

13657-2218675

說番今日的釣況,其實都已經好耐冇去過火爆島釣魚,對上一次已經是成年前,所以去之前都幾擔心今日的漁獲。不過今次都算幾好,起碼仲有啲石斑仔、石九公、火點、連尖同連咪釣,雖然唔係好大條,但都算是不錯。

13657-2218674

而且釣到中午時候,仲竟然來個驚喜。我地三個係火爆島個碼頭釣釣下,看見華少支魚竿好似把弓咁,彎曲到七彩,就知呢條魚應該唔簡單,當華少攪到差唔多上水面時,看見原來是一條斤頭重的 (細鱗) 。點知當華少將在攪到上水面時,條 (細鱗) 竟然甩口,仲要係我地面前擺兩擺條尾講拜拜就游番落水低。這刻,我同聰聰都不約而同地諗起三年前華少係火爆島初遇巨物的畫面,無奈。

不過,正當我同聰聰睇硬華少甩咗條巨物 (細鱗)之後,一定冇晒心機,點知不夠五分鐘,華少支魚竿又比另一條巨物拉到支魚竿成把弓咁,今次終於比華少起番條巨物 (石蚌),所以話係你既始終係你,真係唔到你唔服!

13657-2218673

釣到咁上下,肚仔都開始有點餓,於是我地去起爐燒嘢食,是呀!你地無聽錯是燒嘢食呀!其實我地去親火爆島釣魚,多數都會買定啲腸仔雞翼去燒嚟食,一邊釣魚一邊燒嘢食簡直一流,可惜今日個天氣又真係太熱同太焗,而且啲煙霞都幾勁,係火爆島望向四周好像矇查查一樣,可想而知有幾熱。

食完嘢之後當然是繼續釣啦!因為看見華少之前又甩口又釣到大魚,而我身為齊哇哇釣魚會會長,點可以比"雜魚王"華少一個人威晒架,當然想釣番條大魚上來威威啦!等咗一陣,終於都輪到我小強發威喇!今次我支魚竿仲要比華少之前彎曲得更厲害,仲要就住佢嚟攪絲上水,玩咗分幾鐘過足手癮之後,終於比我釣番條比"雜魚王"佢更大的魚,(紅魚) 一條,YEAH!

13657-2218664

總括來講今日嘅成績比想像中好,雖然華少甩咗條 (細鱗),但起碼有番條 (石蚌) 同 (紅魚) 充橕下場面,而且仲有其他細魚再加一隻墨魚,睇嚟火爆島依然有佢既魅力存在。

0 comments on “魅力依然的火爆島

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: