情深強話

我倆的生日2010

我倆認識的那天雖然不是5月31日,但… 我倆認識後的第一次約會就是在這裡。所以,我很喜歡在這裡和妳共渡生日。但… 很可惜,這天天公不造美,整天都下著雨。而這種天氣確實令到我倆的慶祝興緻大打折扣,才導致今年的生日指定節目有點美中不足。

不過… 曾有朋友對我說過,無論天氣怎麼壞,只要我們的心裡常是晴,是不會影響我們快樂的心情,所以… 這天,我仍然覺得是最快樂最美好的一天。

這天我和嬋嬋都一如以往,去了海洋公園玩番幾粒鐘慶祝生日,雖然是短短數小時,但真的很開心。

首先我倆試搭左新的海洋列車上山,初時我仲以為這架海洋列車會帶給我很大驚喜,點知原來只是一架為了疏導因大量人流搭登山纜車的爬山車。不過架車內部都幾寬敞,而且車頂有很多部電視,播放著一些海洋生物的游來游去影片,亦有音響同燈光效果配襯,令到遊客係短短三數分鐘車程內,讓遊客覺得自己是坐著一列海洋列車當中。

如果要我比評語呢架海洋列車,我會比一個字「快」。因為以往上山都必定是坐登山纜車,或係大樹灣的入口搭扶手登山電梯上山。而家有這架海洋列車上山,可以讓遊客節省多點時間去遊玩,玩完再坐登山纜車下山,都是一個不錯安排。

去親海洋公園當然唔少得去「水母館」、「海洋館」及「鯊魚館」睇我至愛的海洋生物啦!其實,本來今次我想去睇下國寶級生物的中華鱘,可惜個中華鱘館仲未完工,所以只好睇住舞姿美妙的水母,同各式各樣的大大小小的魚先啦!

玩左咁上下當然要去醫下個肚仔啦!今年我倆去左呢間海洋冰室食下午茶,因為呢間海洋冰室有買一送一優惠,食左兩個下午茶麵餐加埋兩杯飲品都是幾十蚊,今次都算是係海洋公園中食得最便宜的一次。

食完下午茶跟住去玩下啲機動遊戲,可能是今天因為下雨關係,有很多的機動遊戲都要暫停,例如「摩天輪」、「過山車」及「海盜船」等等。而當等雨勢細了之後再開放的時間,就已經有很多人排隊等玩,所以這天都只是玩了「翻天飛鷹」同「飛天鞦韆」兩款機動遊戲。

不過我就相當之失敗,竟然唔夠膽陪嬋嬋玩「翻天飛鷹」,只能夠膽玩「飛天鞦韆」。其實… 當我玩「飛天鞦韆」時都是驚到雙手要捉實個鞦韆,而且仲連拎轉頭幫嬋嬋影相都驚,你地話哥哥幾咁失敗呢!反而嬋嬋就一點都唔驚,你地睇下嬋嬋玩鞦韆個樣幾開心,玩完之後嬋嬋仲要玩多一次,所以話千祈唔好睇少女人個膽呀!

玩完了機機動遊戲之後,我倆就坐登山纜車下山,繼續埋餘下的行程。首先當然是去探下大熊貓安安、佳佳、樂樂同盈盈,可惜這天只見到安安一隻大熊貓,其餘三隻就看不到,可能已經是五點幾的關係,其餘三隻返晒去休息都未定。

而今次又咁啱睇大熊貓安安時,又睇到佢痾便便喎!舊便便仲係好似個芒果咁大,真搞笑!

13657-2667602

探完大熊貓安安就當然是四處影下相作留念啦!尤其是每年都要影的指定相片。如果大家有留意我每年生日的相片,都知我會係同一地點,影同一張相!

去完海洋公園,我同嬋嬋就去左灣仔既玩具街行一陣,因為夜少少約左舅仔同表弟食生日飯。而係玩具街仲搵到一支玩具吹泡泡的槍,於是當然是立即買左佢比彤彤玩啦!

之後就坐叮叮去中環間大吉居酒屋,會合埋舅仔兩公婆同表弟一齊食放題。雖然已不是第一次食放題,而選這間大吉居酒屋是因為看到朋友個個食過都說幾好。其實大吉居酒屋之前都有去過尖沙咀果間,但我覺得中環呢間比起尖沙咀果間好好多,起碼座位上比較寬敞,感覺上冇咁迫。而我最欣賞是刺身份量好足夠,寫幾多比幾多,同埋幾大件,唔似得其他放題求求其其咁比你,至於其他食物都尚算不過不失,推介都依然是佢果款芝麻雞翼,真係整得好香好好味。

不過最令我搞笑都是佢奉送既壽司蛋糕,雖然只是得幾塊剌身同飯,但當佢一點爉燭之後打開而又轉轉轉時,再加埋佢既燭光效果真係好靚!不過係啲音樂唔識停不停播比較煩!最終我地要用最簡單直接的方法整停佢,係咩方法?當然是折斷條線啦!嘻嘻!

嬋嬋,雖然這天我一如以往,沒有送給妳艷麗的鮮花、沒有說給妳感動的情話、沒有帶給妳浪漫的驚喜。但… 我知道妳是明白我的,因為這天是我倆的生日。

而且今年又有明明、儀儀和聰聰和我倆慶祝生日,仲請我倆公婆食放題,真的很多謝他們,令我倆這天的生日留下一個咁美好的回憶。

0 comments on “我倆的生日2010

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: