齊哇哇釣魚會

等了四年的釣墨魚夜

四年喇!足足等咗四年,今年終於等到呢一日來臨,真的很興奮很開心。不過大家千祈不要誤會係世界盃喎!雖然世界盃的確是很吸引,而且亦有我最喜愛的英格蘭國家隊再戰世界盃舞台,令到我很期待。仲可以觀賞到其他每隊國家球隊為國家而戰的每一場精彩賽事,但始終唔及得呢樣野令我咁興奮。就係夜釣墨魚呀!

自從零六年果次通宵釣墨魚夜之後,呢四年來都沒有再去過釣墨魚啦!沒想到今年再去,會有咁大收穫。而且仲係比起以前去咁多次之中最多收穫一次,真的很開心。

但好可惜這晚的船不是什麼大遊艇,所以人數始終有限,唔可以邀請太多好朋友一齊參與。而且亦因為近日來的天氣反覆無常關係,令到這次釣墨魚聚會的日期一改再改。好在這日天公真的造美,由朝到晚都沒有下過幾滴雨,而且當我地出到海時,海面上亦都很風平浪靜,令到各人都玩得很開心很盡興。

一開始個個都密密手釣到好多隻,而且今年的魷魚仲比以往釣的大隻好多添,你地睇下我同嬋嬋呢兩隻魷魚幾大隻!

釣左都不足一個小時,就已經釣到好多魷魚,而且仲夠晒成船人用來煮公仔麵食。於是,我當然是馬上將咁新鮮既魷魚洗切乾淨煮公仔麵比大家食啦!

你地睇下呢碗咁新鮮香噴噴既鮮魷腸仔公仔麵幾吸引,係咪好想食呢!

13657-2680105

食完麵再繼續釣!釣!釣啦!仲越釣越大隻添!其實出海釣墨魚除了有魷魚上釣,享受扯上來果種快感之外。最開心的就是,當釣到魷魚之後扯上水果一刻,因為魷魚一受驚就會嘖墨,如果我地一不小心,就好易被魷魚既墨汁嘖到一身都係。所以呢晚我地個個基本上都無一幸免,個個都被魷魚嘖到面又黑衫又黑,所以各位如果去釣墨魚,記緊要穿黑色衫去呀!

13657-2680104

釣到咁上下,雖然已經沒有之前咁密手有魷魚上釣,但大家耐不耐都釣到上來。釣到大概十點零鐘,都係時間夠鐘回程。係回程途中,我地又再一次將咁新鮮既魷魚煮來食,雖然我地只是就咁用清水煮魷魚,沒有落任何調味料,包括鹽和油。但煮出來的魷魚真係相當鮮甜好味,食到個個都讚不絕口,話咁快就將所有煮熟既魷魚食清光,而家我講比大家聽都好想再食多一次,果種鮮甜味覺真係永世難忘。

13657-2680102

你地睇下我地煮了兩轉魷魚,最後都仲有咁多,真係滿載而歸。因為真的好耐未試過咁好收穫,臨走大家都依然意猶未盡,個個爭住影番張搞野相來留念,咁當然唔少得影下大合照啦!

13657-2680100

雖然這次夜釣墨魚聚會,因為受天氣影響而將日期一改再改。好在最後都可以如常舉行,亦都玩得好開心,但始終覺得沒有他在場,總是覺得有點美中不足,希望過兩日的另一次夜釣墨魚聚會,他真的可以出席同我拼肩作戰釣墨魚,咁就最最最開心。

0 comments on “等了四年的釣墨魚夜

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: