齊哇哇釣魚會

一個給我們滿足而又帶來驚喜的小島

火爆島真是一個很特別的小島,每次來火爆島釣魚,都總是帶給我們很多很多驚喜和滿足。

不過大家千祈唔好誤會香港有個島叫火爆島呀!其實火爆島呢個名只係我地齊哇哇釣魚會對佢既稱呼。其實佢叫「火藥洲」,是位於南區對出和南丫島之間的海域上,即係鴨利洲海怡半島對西,華貴村對開的一個小島。因為呢個島的地形同環境都很適合釣魚,而且島上又有一個碼頭仔,所以我地都經常去呢度釣魚。

講番火爆島點解會有咁多驚喜和滿足先。其實如果你一直有留意到我以往寫釣魚既文,都應該知我點解咁鍾意去火爆島釣魚。雖然唔係十次去,十次都可以滿載而歸,但十次去,點都有七八次有好的收獲,比率都算幾高架。

就好像上個星期日,我地三個就被一群「火點」帶來的很大的滿足感而樂足半天。雖然果日既大贏家係細佬,仲以七比零大勝我同表弟。而我同表弟只是釣到數條魚毛,但看見自己既隊員釣到咁好成績,都是開心。

只不過果日跟隨左我六七年既漁竿爆斷左,令到我有少少唔開心,話晒呢支漁竿跟隨左我咁多年,而且佢既戰績亦都相當不錯,亦為我釣到好多好多條難以忘記的大魚,這天佢離開我,始終有點捨不得。

好在剛過去的星期日再沒有爆竿既情況出現,出現的是一個又一個的驚喜。什麼驚喜?當然是有大魚上釣同滿載而歸啦!而這一個又一個的驚喜,又再一次令到我地三個樂足半天。

首先是細佬釣到一個過斤重的「細麟」,講開呢條「細麟」釣上來都幾經波折,因為這天火爆島對開有漁民放左啲捉魚既漁網係海度,當細佬上呢條「細麟」上水時,上到半路中途被漁網鈎住,攪左幾乎十幾分鐘先至可以上到條魚上來,所以細佬釣到呢「細麟」算是有點運。

至於另一個驚喜是,這天火爆島出現一群「沙𩶘」和「旗𩶘」。其實這天我地來火爆島既目的是想睇下仲有沒有「火點」釣,雖不知這天竟然來了一群「沙𩶘」和「旗𩶘」取代左上星期的「火點」,雖然「沙𩶘」和「旗𩶘」既斤兩比「火點」細條啲,但勝在密密手有魚上釣,而且當有魚上釣時的感覺,真的絕不比釣大魚的感覺差。

其實這天的天氣確實真的很熱,但當看見天上藍天白雲的景色,作為個釣魚發燒友,咁靚既天氣唔去釣下魚享受下,真係對唔住自己囉!雖然今日釣的都是「沙𩶘」和「旗𩶘」仔,但都一樣很開心很滿足。始終都係果句,釣魚是享受個中樂趣,當然有埋一些大魚的意外驚喜就最好啦!而今次的驚喜就是就是細佬釣的「細麟」。

0 comments on “一個給我們滿足而又帶來驚喜的小島

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: