情深強話

小欖燒烤生日聚會

十月十六日這天真的感到很開心,因為這天是我呢世人最好的老死生日。好開心這天能夠為他搞一個燒烤生日聚會。希望他也和我一樣,這天感到開心和快樂!

13657-2917309

雖然這天我沒有邀請太多的親朋好友參與你這次生日會,為你慶祝生日,但我相信你會明白我的。其實一直以來,我都好多謝你咁支持我同關心我,如果沒有你,我的人生歷史可能不是這樣。所以就算別人說我偏心也好,我也不介意,因為… 知己是可遇不可求。

好喇!肉麻說話都係唔好講咁多,如果唔係別人會誤會我係傻架啦!

本來今次的生日聚會我想係長洲搞宿營,來個超級海鮮燒烤晚會。因為我知佢好想去長洲宿營過夜燒野食,同埋佢好鍾意食長洲既香草羊胺,可惜我太遲安排租不到合適既渡假屋。

最終好在大家都對呢個小欖燒烤樂園感到興趣,於是就決定去小欖燒烤樂園燒野食。其實呢個燒烤樂園我地好早之前已經想去,因為聽好多朋友講,呢度環境都幾好,而且佢地既燒烤食品都唔算太差,最正就係任食,可以由入場開始一路燒食到佢收工,如果你係大胃王既話,真係可以比你食足十零個鐘都得。

不單只咁,其實最吸引我地既係樂園附近有個沙灘,呢個沙灘可以供燒烤人仕享用,聽好多人講呢個沙灘都唔錯,雖然未至於水清沙幼好靚既沙灘,但係正正呢個沙灘是位於向西方向,如果是黃昏時間係度影相都幾靚。果日我地就係呢個沙灘又玩水又掘蜆,玩到個個都很開心同忘晒形,重影了好多好多靚相添!

不過講到開心,我想非彤彤和晴晴這兩位小女孩莫屬囉!這天彤彤和晴晴比起我地每一個玩得更開心更忘形。看見佢兩姊妹歡天喜地係遊樂場玩肥皂泡,又係沙灘上踢水奔跑,揸住啲沙灘玩具呢度掘下果邊又掘下,好似尋寶咁,偶爾間又一個唔小心被海水弄到件衫仔褲仔濕晒,但亦無打擾佢地玩樂的心情,所以我都覺得這裡很適合一家大細來享受家庭樂。

其實不單只彤彤和晴晴係沙灘上玩得開心,就連我地呢班大細路也一樣係沙灘玩到忘晒形,尤其是係沙裡掘到蜆出來的時候,更開心到大叫起來,你地睇下嬋嬋係沙裡掘到粒咁大粒既蜆個樣幾開心。

只可惜這天沙灘上的海水好像不肯潮退,等到黃昏時段都仍然是沒有潮退的跡象。如果這天下午是潮退的話,我地一定會走得更出更出去掘蜆,成績一定唔只咁少蜆。

我地除了係沙灘上掘蜆之外,當然唔會錯過咁美麗既風景啦!尤其是下午時分太陽再次出來的時候,是影相的最佳時機。因為係戶外影相,除了相機質素和攝影技術之外。最佳的攝影拍檔就是太陽低下照射的自然光,再加上藍天白雲襯托的背景,這天影出來的相,好多我都非常之滿意。

玩到接近黃昏之時,亦都到了這天最重要的環節,就是同兩位壽星仔女唱生日歌同埋切生日蛋糕。其實這天不單只為聰聰慶祝生日,我地亦都為媚媚提早慶祝生日。所以大家見到個生日蛋糕上寫給的是一對人生日高興!

唔知係咪開心快樂既時間過得特別快,不知不覺間係呢度由早上十一點玩到晚上九點幾,足足玩了十個小時以上。其實如果可以的話,我真的很想繼續玩下去,直至燒烤樂園關門為止。不過這天各人都已經玩得很累,而且壽星仔第二日又有節目去玩,所以都係時候完場回家休息。

在這裡我再一次祝聰聰生日快樂!身體健康!工作順利!仲有媚媚,我都預祝妳生日快樂!身體健康!越來越靚!希望兩位好朋友喜歡我為你們搞的生日會和生日禮物!

0 comments on “小欖燒烤生日聚會

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: