BLOG TAG

我的 Comfort Food

收到小羊爸爸的邀請,今次是一個與我們生活上很有關連的Comfort Food Blog Tag

Comfort Food是什麼?我想各人都有不同的意思,而係我的低階字典解釋意思是一種隨時隨地,閒時一想起就可以食到的食物。而且那食物會讓人吃了之後,都感到無限滿足和感到安慰的食物,簡單來講是令人開心的食物啦!

記憶中我也曾經說過,食物係可以令人快樂,令人忘掉不快。每當遇著唔開心的事情或者心情不佳的時候,最快令自己開心的方法就是找自己喜歡的食物來為自己釋放負能量。因為當你係享受美食的過程中,是很容易忘掉腦海中的不快,而且食物亦會為自己帶來的正能量,會使自己心身有一種很飽滿的感覺,所以,我亦很喜歡用食物來為自己打打氣。

閒話別說太多了,都是重回 Comfort Food Blog Tag 正題吧!

1. 蝦子麵
一直以來,我是很喜歡吃麵類的食品的人。例如:餐旦公仔麵、雲吞麵、某食店的拉麵、車仔麵類等等。而「蝦子麵」就是我認為最方便快捷可以吃到的麵。因為我是一個懶人,而懶人最叻就是用最節省的時間來處理事情。試想想,當夜闌人靜的時候,發現肚子空空如也。只要走進廚房,開火煲滾一些清水,放進兩個蝦子麵餅,加些少鹽或雞粉吊味,把煲蓋上兩至三分鐘。一會兒之後,一碗熱烘烘的蝦子麵便能滿足口腹之慾。

2. 雞翼
雞翼我想很多人也喜歡吃,亦相信它是人間美食之一,食法又多元化,煎、炒、煮、炸、蒸、燜、焗等等,各色各樣都可以。當然,最令人垂涎三尺既食法必然是燒雞翼啦。但是燒雞翼總是一大班人圍住個燒烤爐有傾有笑,歡樂氣氛下一齊燒一齊食才品嚐到個中滋味。不過有一種燒雞翼,也可以算是想食就可以食到,就是街市燒味檔既紅燒雞翼。

3. 芝麻梳打餅乾
一講到芝麻梳打餅乾,相信很多人第一時間會想到太平呢隻牌子的芝麻梳打餅乾,因為呢隻牌子可算是香港餅乾的老臣子。不知是否因為童年回憶,還是先入為主既味覺影響關係,總覺得現時買得到既芝麻梳打餅乾牌子當中,依然是太平牌子既鬆脆和鹹香組合是最好的。所以我屋企個零食袋中必定有呢款芝麻梳打餅乾存貨。

4. 薯片
其實,薯片一直都被人認為是不健康的食品之一。但是在我們消閒娛樂之時,薯片既角色反而是不可缺少的食物。雖然薯片的營養價值很低,甚至乎是沒有,但是每一個愛美的女士都視薯片是眾多零食的首選,包括我自己在內都是薯片的忠實擁躉。而我最喜歡吃的是珍珍薯片,貪佢夠鹹又夠脆,同埋那種薄薄的口感。

5. 壽司
我想我和大多數香港人一樣,患有極嚴重的壽司迷戀症!哈哈!是真架!我是非常喜歡吃壽司的,尤其是三文魚壽司、油甘魚壽司、赤海蝦壽司、帶子壽司及所有軍艦壽司等等,總括來講大部份壽司都喜愛吃。當然,如果可以吃到味美價廉的壽司,當然是最大的幸福啦!

6. 烏龍茶
一直以來,喝茶好像是年長人士的專利。但是近數年間,香港多了很多年青人喜歡喝茶,尤其是綠茶和烏龍茶,簡直大行其道,係街上隨處可以看到很多人手持一支一支的茶類飲品。而係我日常生活中,我經常都買支裝烏龍茶飲,覺得甘甘地幾有益,起碼點都好過飲汽水呀!

7. 艇仔粉
食艇仔粉是最開心的,仲要飲晒啲湯落肚,咁就最最最滿足!

8. 冬菜蒸肉餅
至於最令我食得開心既餸菜必定是冬菜蒸肉餅,總之每次有這味冬菜蒸肉餅係飯桌上,我必定食得佢兩三碗飯。尤其是媽媽親手整既冬菜蒸肉餅,簡直無人能及。其實,冬菜蒸肉餅相信好多人都識得煮,皆因呢個餸煮法簡單兼且又好餸飯,而我自己都煮過好幾次,但硬係沒有媽媽煮得咁有水準,或者是媽媽真的沒人能代替。

9. 打邊爐
香港人愛打邊爐已經是眾所周知的事實,而瘋狂既程度已經去到一連四季都會打邊爐。但講到最開心最有氣氛既打邊爐時節,莫過於在寒冷的天氣下打邊爐。尤其是天寒地凍,約埋三五知己在家暖笠笠打邊爐真係好Warm。一來可以增進感情,二來又可以盡情地大吃大喝。可惜香港的冬天不下雪,如果有雪落,感覺仲正呀!而我打邊爐最重要係有魚,仲要切到大大片夠厚度,食落口又鮮又甜又有口感。咁當然肥牛就一定唔少得啦,淥一淥即食,入口嫩滑彈牙。

10. 煮嘢食
其實,如果想自己開心之餘,而又可以令到身邊的朋友開心,最佳方法就是親自下廚,煮啲好嘢食出來一齊分享一齊食就最開心。因為煮嘢食既人,最開心就係看見朋友食自己煮既嘢時,食得好開心。所以我耐不耐如果家中攪大食會,我都好喜歡下廚煮番兩味,所以我都好享受煮嘢食。至於好唔好食就見仁見智啦,但我相信我點都唔會差得過電視節美女廚房果班美女既!

好啦!終於完成了小羊爸爸給我的功課,不知這份功課,小羊爸爸會給我多少分呢?

至於我踢邊個博友仔呢?今次我都唔會踢了。但是如果您看了之後有興趣既,可以自踢架,但一定要講比我知喎,等我都可以去看下您的 Comfort Food!

0 comments on “我的 Comfort Food

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: