情深強話

團年飯

數數手指,仲有一個星期多啲啲就農曆新年啦!唔知今個農曆新年年初一二三會唔會好凍,同埋會唔會落雨呢?希望就唔好兩樣一齊來啦!就算來都只係凍就夠喇,因為年初一去燒嘢食,跟住初二三落長洲玩,如果落雨就掃興了!

講番今日,其實一到年近歲晚,我想好多人都會為團年飯而大傷腦筋。尤其是家族成員多的家庭,總會為揀那一天食團年飯,而順得哥情失嫂意。因為家庭成員多,安排的曰子就更加難取捨。而且每個家庭都總想在除夕晚食團年飯,讓一家大細開開心心迎接年初一來臨。

今年我媽媽亦都因為不想令仔女難就日子,而提早今晚食團年飯。始終,仔女大了有自己的家庭之餘,亦要兼顧及安排去外家食團年飯的日子,如果能可以提早食團年飯亦都不必太介懷那一天。始終都是果句,能夠一家人齊齊整整食餐飯,已經好幸福。就算在家煮,或者出外吃,不管吃的是甚麼也好,一家人能聚在一起就開心,其實都係比個藉口大家食餐好!

所以,今晚我要好好多謝我媽媽,因為她今晚為我地幾兄姊弟辛辛苦苦地下廚煮一大餐豐富的團年飯。看見這九餸一湯的團年飯,真的可以比美酒樓的菜式,而且真的有錢都未必係酒樓食到。因為每碟餸菜都包含媽媽對家人的愛,因為沒有媽媽這份愛,媽媽就沒有動力煮出一餐咁豐富的團年飯,所以我永遠都覺得媽媽係世界上最能幹的人,媽媽辛苦妳了,真係好好味,媽媽多謝妳!

在此希望世界上每一角落,每一個人每一年的春節,都能聚首一堂一家老少圍繞著飯桌,一起開開心心吃一頓溫馨溫暖的團年飯,願這希望實現地永遠延續延續下去 !

0 comments on “團年飯

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: