朋友聚會

探BB加生日飯

今日是開心的一天,所以好想上來寫博記載番。講真今日確是好開心,沒想到今日嘅天氣係咁靚,成日陽光普照,再加埋藍天白雲,呢啲咁嘅天氣簡直係無得頂呀!如果係出海去釣魚就最合心意,不過今日冇去釣魚,而係去咗探博友仔亨利 BB。

早前,好開心知道他屋企多咗個新成員,亦都好想探望下亨利同亨利BB。只是因為大家地區與時間不夾問題,遲遲都未能探望亨利兩公婆同BB仔。今日終於能夠有時間同埋知心博友仔一起去上水探望下佢哋,在此真的要多謝雪晴穿針引線安排,雪晴好多謝妳!

看見佢一家咁幸福真係好開心,我都好想好似佢哋一樣,真係好令人羨慕。佢哋個 BB真係超級好可愛,雖然BB佢一路瞓緊覺,但簡唔中又掙開眼仔偷望下四周,真係好得意,而且BB佢個睡相仲睡得好甜,真係可愛到暈。最後仲要多謝亨利爸爸的款待,仲有啲薑醋好好味。

13657-3616167

探完BB之後,再返回銅鑼灣會合聰聰一對人同細佬吃生日飯,而今次我哋揀選去銅鑼灣黃金廣場9樓嘅宮崎日式燒肉。

感覺上這間日式燒肉好像比韓國燒燬還好,因為食韓燒個燒爐係好似平時屋企煎野食咁有鑊墊住,所以感覺上好油膩。但呢間係用一塊網墊住來燒,感覺上冇咁油,因為係燒肉食時,啲食物的油會被塊網墊住關係,咁啲油就可以向下滴,唔會有油淋淋感覺,亦都冇咁易好似韓燒咁煎燶,所以我都幾喜歡呢個燒肉方法。

而且水準亦都不錯,仲要係任食,當然任食時間同一般放題一樣是兩小時啦。價錢方面,因為是假期而我哋又揀七點至九點半時段入座,所以貴咗少少$238再收加一服務費(包一罐飲品) 。如果星期一至四價錢是$218再收加一服務費(包一罐飲品),如果想平啲五點半至六點前入座收$188同埋九點半後入座收$198,當然仲要計埋加一服務費用啦。

第一次食呢間,感覺不錯,座位質素都幾理想,不會有太迫感。食物方面,都有很多不同的選擇,有海鮮、刺身、拉面烏冬、沙律、肉類、卷物、炸物或其他野菜及壽司等等種類。當然是以肉為主啦。肉的種類都不少,牛肉類就當然,仲有豬、有羊、有雞等等,同埋啲肉腸嘅質素都 OK架。落單就以1、2、3、4件數落,不過如果是想以食刺身嘅你可能會好失望,因為每次叫會是數件同埋細塊,不過來得呢度食嘅人我想都是以食肉為主,魚生刺身都是伴菜。

最後本人覺得整體服務算唔錯,服務員都好有禮貌,最重要係今晚無漏單,是值得安排下次再約朋友黎食,希望質數會住咁好啦!推介美食: 紐西蘭白油牛仔腸、吉列廣島蠔、羊架(燒香口一點更妙)。

0 comments on “探BB加生日飯

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: